NATO və Amerikanın Türkiyəyə işi düşüb

SON XƏBƏRLƏR

NATO və Amerikanın Türkiyəyə işi düşüb

2021.10.20, 07:36

Gunaz.tv

GünAzTv: Noyabrda 19-20-də Lissabonda keçiriləcək NATO zirvəsində müzakirə olunacaq hava hücumundan müdafiə sistemi layihəsinin detalları məlum olub.

Razılaşma əldə olunarsa, əvvəlcə “SM-3” raket əleyhinə raketlər, daha sonra “Patriot PAC 3” sistemi qurulacaq. Raketlərin Qara dəniz, Şərqi və Şimal-şərqi Anadolu bölgələrində yerləşdirilməsi nəzərdə tutulur. Bu barədə SİA “Hürriyet” qəzetinə istinadən xəbər yayıb.

Bu məsələ NATO xarici və müdafiə nazirlərinin dünən Brüsseldə keçirilən toplantısında da müzakirə olunub. NATO-nun baş katibi Anders Foq Rasmussen 28 üzv ölkədəki 900 milyon vətəndaşın mümkün hücumlardan qorunmasının lazım olduğunu bildirərək “təhlükədəyik, dünyada 30-dan çox ölkə ballistik raket texnologiyası üzərində çalışır və bəzilərinin uçuş məsafəsi Avropaya çatır” deyib. Rasmussen birgə raket müdafiə sisteminin həyata keçirilməsini təklif edib.

“Hürriyet”in əldə etdiyi məlumatlara görə, Türkiyə müsbət cavab verərsə, “mərhələli uyğunlaşdırıla bilən yanaşma” adlı layihə həyata keçiriləcək. Layihəyə görə, 2011-ci il ərzində Qara dəniz sahilində “SM-3” raketləri yerləşdiriləcək. Bunun üçün isə Rusiya ilə danışıqlar davam edir.

İki il ərzində hərəkətli radar sistemlərinin qurulması nəzərdə tutulur. Bu mərhələdə Türkiyənin də razılığı ilə “PAC-3” balistik müdafiə raketlərinin daha çox Qara dəniz bölgəsinə yerləşdirilməsi planlaşdırılır. Hesablamalara görə, İranın ABŞ, ya da Avropaya atdığı bir ballistik raket Türkiyənin şərq və şimal-şərqindən Qara dənizə doğru hərəkət edəcək. Buna görə də “Patriot PAC-3” sisteminin sözügedən ərazidə qurulması nəzərdə tutulur. Atılan ballistik raket elə yüksəlmə mərhələsində olarkən vurulacaq. Sistemdən Türkiyəni hədəf alan bir təhlükə olduğu zaman da rahatlıqla istifadə olunacaq.

Türkiyənin isə iki şərtinin olduğu deyilir:

1. Bu layihə “bir müttəfiqə hücum, bütün müttəfiqlərə hücumdur” prinsipinin yer aldığı NATO nizamnaməsinin 5-ci maddəsi çərçivəsində icra oluna bilər. Bütün NATO torpaqlarına yayılması təqdirində raketdən müdafiə sisteminə yaşıl işıq yandıra bilərik.

2. NATO sənədlərində təhlükələrin İran və Suriya kimi ölkələr olaraq əks olunması doğru olmaz. Qonşuları ilə “sıfır problem” siyasəti həyata keçirən Türkiyə bu vəziyyəti qəbul edə bilməz.

GUNAZ.TV

SON XƏBƏRLƏR