Contact Us

SON XƏBƏRLƏR

Güney Azərbaycan Milli Azadlıq Cəbhəsi (GAMAC) FİFA qarşısında şikayət qaldırıb

2021.10.20, 07:36
Güney Azərbaycan Milli Azadlıq Cəbhəsi (GAMAC) FİFA qarşısında şikayət qaldırıb

Gunaz.tv

GünAzTv: Güney Azərbaycan Milli Azadlıq Cəbhəsi (GAMAC) ”Traxtor” futbol komandasının oyunları zamanı azərbaycanlılara qarşı olunan təhqirlər və İran futbol yetkililəri  tərəfindən ”Traxtor”a qarşı tətbiq edilən ədalətsiz qərarlarla  bağlı FİFA qarşısında hüququ əsaslarla əsaslandırılmış şikayət qaldırıb.

Bildiyiniz kimi, 27 iyul 2010 tarixdə Tehranın Azadlıq stadionunda “Perspolis” və “Traxtor” futbol klubları arasındakı oyun zamanı və bundan öncəki oyunlarda fars azarkeşləri azərbaycanlılara qarşı  təhqiramiz şüarlar səsləndirərək onları təhqir etmişdilər və bu, İranın TV kanallarında, o cümlədən geniş yayım əhatəsi olan TV3  kanalında heç bir məhdudiyyət qoyulmadan canlı olaraq yayımlanmışdı. Bu təhqirlərə  etiraz edən azərbaycanlılar müxtəlif təzyiq və həbslərə məruz qalmışdılar. Bu məsələ ilə baglı İran futbol federasiyasına rəsmi şikayət məktubları göndərilsə də, federasiya bu şikayətlərə və baş vermiş olaylara ədalətsiz mövqedən yanaşaraq, təhqir və təxribatların qarşısını almaq əvəzinə “Traxtor” komandası və onun tamaşaçılarını cəzalandırdı.

Bu kimi haqsızlıqları beynəlxalq ictimaiyyətin nəzərinə çatdırmaq məqsədilə GAMAC bütün bu olayları tam təfərrüatı ilə araşdıraraq rəsmi formada FİFA qarşısında şikayət qaldırıb. İngilis dilində hazırlanmış altı bölmədən ibarət 70 səhifəlik şikayət məktubunda “Traxtor” haqqqında geniş məlumat, iran irqçiliyinin xüsusiyyətləri, iran rəsmiləri tərəfindən Güney azərbaycanlıların milli və insan haqlarının pozulması, iran futbolu daxilində mövcud irqçi motivlərə baxış, azərbaycanlıların azarkeşlik etdikləri futbol komandasına qarşı aparılan ayrıseçkilik siyasəti geniş izah olunub və məktuba bunları təsdiqləyən fakt dosyaları əlavə olunub.

10.10.2010

SEÇİLMİŞ XƏBƏRLƏR

Çox oxunanlar