Dövlət Departamenti : «İranlı Amerika vətəndaşları İrana getməzdən öncə ciddi düşünün»

SON XƏBƏRLƏR

Dövlət Departamenti : «İranlı Amerika vətəndaşları İrana getməzdən öncə ciddi düşünün»

2021.10.20, 07:36

Gunaz.tv

GünAzTv: İran İslam Respublikası rəsmiləri dünyanın çeşidli dövlətinə səfəri zamanı həmin ölkələrdə yaşayan iranlı mühacirlərlə görüşüb, onlardan ölkəyə dönmələrini israrla istəyirlər.

Bundan başqa İranın xarici dövlətlərdəki konsulluq idarələri mühacir iranlılara İran İslam Respublikasının pasportunu verərək, onların «vətənə dönməsi üçün problem olmadığını» bildirirlər. Ancaq bir sıar hallarda ikili vətəndaşlığı olan həmin insanlar İranda çeşidli təzyiqlərə məruz qalırlar.

ABŞ-ın (Amerika Birləşmiş Ştatları) Dövlət Departamenti ölkə vətəndaşlarına İrana səfərin riskli odlduğunu bildirərək, ora səfər etməməyə çağırıb.

GünAzTV-nin «İTAT-TAAS»-a istinadən məlumatına əsasən, depatamentin konsulluq işləri üzrə bürosu xarici dövlətlərə səfər etmək istəyənlərə bu haqda xüsusi xəbərdarlıq edib.

Bu sənəddə deyilir: «Bu ölkəyə səfərdən öncə İran əsilli amerikalılar dərindən düşünməlidir. İrandakı bəzi ünsürlər ABŞ-a münasibətdə düşmən mövqeyində qalmaqdadırlar. Bu baxımdan Amerika vətəndaşı olan həmin iranlılar ora səfəri və ya orada yaşadıqları zaman tutula, yaxud təzyiqlərə məruz qala bilərlər».

Qurumun məlumatına əsasən, 2009-cu ildən Tehran hakimiyyəti İrana səfər etmiş ABŞ vətəndaşı olan iranlıların, o cümlədən jurnalistlərin və elmi işçilərin ölkədən geri qayıtmasına dəfələrlə imkan verməyib. «İran hakimiyyəti iranlı ABŞ vətəndaşlarını həbs edərək, onları casusluqda, İslam Respublikasının milli təhlükəsizliyini təhdid etməkdə suçlayaraq, həbs edib. Ona görə də İran əsilli ABŞ vətəndaşları bu ölkəyə səfərdən öncə, Tehran hakimiyyətinin hədəfinə çevriləcəklərini düşünsünlər»deyə, departamentin bəyanatında bildirilib.

Xatırladaq ki, bir neçə il öncə İran əsilli Kanada vətəndaşı Zəhra Kazımi Tehranda həbs edildikdən sonra ETTELAAT-ın təcridxanasında məruz qaldığı işgəncə nəticəsində qətlə yetirilmişdi. Sədrəddin Soltan

GUNAZ.TV

SON XƏBƏRLƏR