Can Azərbaycan (Şeir)

SON XƏBƏRLƏR

Can Azərbaycan (Şeir)

2021.10.20, 07:36

Gunaz.tv

GünAzTv: Vətənimiz Azərbaycanın hazır ki coğrafi və siyasi durumu hər bir azərbaycanlını dilə gətirir. Bu zəmində Güney Azərbaycanlı soydaşımızın yazdığı şeir təqdim olunur:

Ürəkdə eşqsən röyada min arzu Azərbaycan

Nəfəssən xalqıma can tək və həm canan Azərbaycan

Axır eşq əzəl şərbət kimi hər ləhzə bu cana

Olubsan eşqlə həmdəm və həm peyman Azərbaycan

Gözəllər eşqinə düşmüş olub heyran sənə gözlər

Doğulmuş səndə min huri mələk bostan Azərbaycan

Təbiət bəsləmiş cənnət olubsan xalqına şöhrət

Ayıqdır istəyir düşmən səni talan Azərbaycan

Olubsan qəhrəman yurdu elin əfsanələr qurdu

Sənə məshur olub gözlər və həm heyran Azərbaycan

Belə qalmaz daha dövran fəğan tək olmusan üsyan

Bölünmüş bir cigər can tək olub nalan Azərbaycan

Nə mehnətlər çəkib millət necə dünya olub heyran

Ki xalqın gözyaşın dərdin verib tavan Azərbaycan

Vətən röya kimi xoşdur vətənsiz könül boşdur

Vurubdur dəşnə bu qəlbə necə hicran Azərbaycan

Çəkiblər yağılar xəncər olub ölkə vətən məhşər

Gələr bir gün ki Babəklər edər divan Azərbaycan

İtirmiş dini-imanı necə məcnun ürək canı

Vətəndir dərdinə mərhəm və həm iman Azərbaycan

Olub qurban payı ölkə ayırmış can evin özgə

Durub üsyan olar bir gün və həm tüğyan Azərbaycan

Şirin cansan nəgör canə ürək dözməzki hicranə

Vətənsən sevgisən qəlbə ki söylər can Azərbaycan

D. Lətif

GUNAZ.TV

SON XƏBƏRLƏR