GünAzTv: İran rəsmiləri çıxışlarında Azərbaycan Respublikası ilə dostluqdan danışıb, Qarabağ məsələsində Azərbaycanın ədalətli və haqlı mövqeyini dəstəklədiklərini bəyan etsələr də, təcavüzkar Ermənistanla da hərtərəfli əməkdaşlığı saxlayaraq, genişləndirməkdir.

 Sabah, oktyabrın 8-də Iran parlamentinin sədri Əli Laricaninin İrəvana səfəri gözlənilir. Ötən gün Ermınistan parlamentinin sədri Ovik Abramyan İran İslam Respublikasının Yerevandakı səfiri Seyidəli Saqaianla səfərin detalllarını müzakirə edib.

GünAzTV-nin «Novosti-Armeniya»-ya istinadən məlumatına görə, səfər zamanı Əli Laricani erməni həmkarı O.Abramyan və başqa rəsmilərlə görüşəcək. Erməni parlamentinin sədri İslam Respublikası ilə Ermənistan arasındakı əlaqələri çox yüksək qiymətləndirərək, «dövlət arasında əməkdaşlığın çeşidli sahələr üzrə inkişafına böyük önəm» verdiyini söyləyib.

 Xatırladaq ki, bu il oktyabrın sonunda Ermənistanın baş naziri Tiqran Sarkisyanın Tehrana səfəri gözlənilir. Bu ziyarət zamanı iki ölkə arasında azad ticarət zonasının açılışı ilə bağlı müqavilənin imzalanacağı planlaşdırılıb.

Səfir Seyidəli Saqaian bu haqda müsahibəsində deyib : «Bununla bağlı sənəd ötən il Ermənistan prezidenti Serj Sarqisiyanın Tehrana səfərində paraflanıb.Bundan sonra mütəxəssislər sənəd üzərində işləməyə başlayıb». O, erməni baş nazirinin İslam Respublikasına səfərinədək həmin müqavilə üzərində işlərin başa çatacağına və ziyarət çərçivəsində imzalancağına ümidvar olduğunu da vurğulayıb.

 Mənbənin məlumatına əsasən, cari ilin ilk 7 ayında İran-Ermənistan ticarət əlaqəsi 32.4 faiz artıb, bu isə ötən ilin uyğun dövri ilə müqayiəsədə 113 milyon dollar artım deməkdir. Ermənistandan İslam Respublikasına ixracat 13,2 faiz (Ermənistanının ümumi ixracatının 2,6 faiz) təşkil edib. Bu isə yuxarıda qeyd etdiyimiz dövrlə müqayisədə 0,1 faiz artımdır. İran istehsalı olan mallarının Ermənistana ixarcı isə 2009-cu ilin yanvar-iyul dövrü ilə müqayisədə 38,3 faiz artaraq, 99,8 milyon dollar təşkil edib. İslam Respublikası ərazisindən ümumi idxalat 30,2 faiz artaraq, 102, 7 milyon dollar, yaxud Ermənistan idxalatının 5 faizini təşkil edib.

Gələn ay, noyabrda isə İran prezidenti Mahmud Əhmədinijat, ölkə parlamentinin sədri Əli Laricani, müdafiə naziri Vahidinin Azərbaycan Respublikasına səfər edəcəyi gözlənilir. Bu kimi səfərləri Azərbaycanın işğal altında olan torpaqlarının təcavüzdən qurtamasına Tehranın cəhdi kimi dəyərləndirmək müəyyən mənada sadəlövhlük olardı.

İran həm Azərbaycanın, həm də ermənilərin könlünü xoş etməklə daha çox etimad qazanıb, bölgədə söz sahibinə çevrilmək istəyir. Başqa sözlə Tehran Azərbaycanın işğal olunmuş torpaqları hesabına özünü Qafqazda marağı olan böyük güclərdən qoruyub, onları Güney Qafqazda qarşılamağa çalışır.

Düşməni və ya rəqibi başqa dövlətlərin topaqlarında qaşrılamaq – bu, İslam Respublikasının xarici siyasətdə əsas startegiyasıdır. Bununla yanşı ermənilərin Tehrana, İran rəsmilərinin isə Azərbaycan Respublikasına səfərləri kimin-kimdən asıllığının göstəricisi də sayıla bilər... Sədrəddin Soltan