GünAzTv: PKK terror təşkilatının rəhbəri Abdulla Ocalanın sağ əli vəkil Hüseyn Yıldırım illərlə sürən sükutu pozaraq Cahan Xəbər Agentliyinə müsahibə verib.

Hüseyn Yıldırım kimdir?Hüseyn Yıldırım bir vaxtlar Ocalanın Avropada nümayəndəsi olub. 1937-ci ildə Tuncelidə doğulub, 1969-cu ildə Istanbul hüquq fakültəsini bitirib. Müstəqil vəkil kimi çalışmağa başlayıb. 1980-ci ilin sentyabrında 11 ay həbsxanada yatıb. 1988-ci ildə Beka Vadisinə Abdulla Öcalanın yanına gedib. Bir müddət sonra Öcalanla aralarında fikir ayrılığı yaranıb. Isveçə köçüb. 1987-ci ildə Ulof Palmeyə sui-qəsdlə bağlı gözaltına alınıb. 8 gün sonra azadlığa buraxılıb.Ocalanın Kürd davası...PKK terror təşkilatının rəhbəri Abdulla Ocalanın sağ əli vəkil Hüseyn Yıldırım illərlə sürən sükutu pozaraq Cahan Xəbər Agentliyinə müsahibə verib. Isveçdə sığınacaq alan vəkil müsahibəsində bildirib ki, kürdlər öz iradələri ilə yaşamalıdırlar, bir adamın iradəsinin quluna çevrilməməlidirlər. Ocalana inanmadığını dilə gətirən vəkil bildirib ki, onun dərin dövlətə bağlılığına şübhə ilə yanaşır... “Ocalanının Yunanıstanda həbs edilməsi, Imralıya gətirilməsi bir qaranlıq səhifədir. Hətta bu məsələni təhlil etmək üçün Uğur Mumçu Isveçə gəlmişdi. Mənimlə görüşmək istədi. Məhz bu məsələni araşdırırdı. Mənə görə onun öldürülməsinin əsas səbəbi budur. Həyat yoldaşı Kəsirə Aponun bütün gizli əlaqələrini öyrənmişdi. Dərin dövlətlə bağlı münasibətlərini üzə çıxarmışdı. Ocalanın kürd məsələsi ilə heç bir əlaqəsi, istəyi, bağlılığı yoxdur. Sosializmlə də onu heç bir tellər bağlamır”.Stokholmda bir dostunun evində 4 saat müsahibə verən Yıldırım Diyarbəkr cəza evində Əhməd Türklə birgə yaşadığı işgəncələrdən, Ocalanla Şamda keçirdiyi günlərdən və Öcalanın həyat yoldaşı Kəsirə haqqında danışıb: “Dünyanın heç bir yerində qarşıdurmanı birtərəfli həll etmək mümkün deyil. Öncə silahlar susmalıdır. Bunu birtərəfli həyata keçirmək də olmur. ”Silahları təhvil verin" deməklə də iş bitmir. Bu adamlar qoyun-quzu deyil ki, istədiyin yerə sürəsən. Sən şərtlərini açıqlamalısan. Mən dağa çəkilən uşaqların çoxunu tanıyıram. Bunlar boş yerə dağa çıxmadılar ki. Həsən Cəmilin “Kürdlər” adlı bir kitabı var. Bu kitabda Diyarbəkr cəza evində saxlanılan Cəmiloğlu bilirsiniz nə deyirdi: “Gənc olsaydım, dağa çıxardım!”. BDP-nin kürd siyasəti Istər BDP, istər dağlarda vuruşanlar kürdlər üçün ağır və acı bir siyasət yürüdürlər. Indi siz sülh istəyirsinizmi? Həm türk iqtidarı, həm kürdlər iradəni Imralıya, Öcalana bağladı. Bu gün də vəziyyət eynidir. Mən Öcalanı çox yaxşı tanıyıram. Onun qəlbində nə kürd eşqi, nə də kürd davasıyla bağlı bir dərdi. Onun heç bir siyasəti yoxdur, necə deyərlər, onun siyasəti siyasətsizliyidir. Bir Əhməd Türk vardı, onu da aradan çıxardılar. O, bütün bu qaranlığa aydınlıq gətirmək istəyirdi. Bu açılardısa, Aponun sonu olardı... Elə düşünməyin ki, BDP bu hadisələrin açılmasını istəyir. Əminə Ayna kimdir? Bilirsiniz? Imralıdan və dağlardan idarə olunan bir qadın. Bu kürd məsələsində önəmli bir adam deyil. Iranda IRA silahları nə vaxt təhvil verdi? Barışıqdan sonra. Türkiyədə belə olmalıdır. Xalqın inandığı ziyalılarla bir araya gəlmək və məsələni müzakirə edib bir ortaq nəticə çıxarmaq lazımdır".Hüseyn Yıldırım daha sonra deyir: “Mən bu gün xalqın qarşısına çıxmaq istəmirəm. Amma bunu demək istəyirəm: kürdlər bir xalqdır. Onların da hüquqları var və bu hüquqlar yeni Anayasa ilə tanınmalıdır. Kürdlərlə türklərin ayrılması mümkün deyil. Bu söhbəti ortaya atanlar ara qarışdırırlar, saxtakarlıq edirlər. Min illərlə bir yerdə yaşamış xalqıq, mən ayrılmaq istəmirəm. Mənim minlərlə türk qardaşlarım, dostlarım var, araya sərhəd qoymaq istəmirəm. Bu hər ikimizə ziyandır. Çünki bu ayrılıq bizləri ona-buna yem edər. Bir də Türkiyədə hər millət özəlliklə öz mədəniyyətini, dilini yaşada bilərsə, bundan heç kim ziyan görməz. Buna nail olmaq üçün Imralı ortadan çəkilməlidir. BDP bir məhkum kimi Öcalana sahib çıxır, qoy çıxsın, amma iradəsini ona bağlamasın. Öcalanın direktivləri ilə hərəkət etmək milləti fəlakətə, uçuruma aparır”.Kəsirə Ocalan həqiqətləriHüseyn Yıldırım Öcalanın həyat yoldaşı Kəsirə Öcalan haqqında bunları deyib: “Kəsirənin öldürüləcəyini hələ Şamda anlamışdım. Həbs edilib Yunanıstandakı düşərgəyə göndərildi. Çox əziyyət çəkir, sıxılırdı. Burda da kişilərin paltarlarını ona yudurdurdular”. Vəkil Hüseyn Yıldırım deyir ki, Kəsirəni ilk dəfə Şamda görüb: “Mənimlə Isveçə gəlmək istədi. Isveçdə yaşam hüququ almışdı, pasportu da vardı. O zaman Apo buraxmadı. Kəsirə adi insan deyildi. Bilikli və bicdi. Müəllimliyi qurtarmışdı. Apoya yol göstərən Kəsirə idi. Apo əvvəllər bunu tez-tez deyərdi.Apo həyat yoldaşı haqqında deyərdi ki, aristokrat bir ailədəndir. Biz kənd uşaqlarıyıq. Kəsirə isə onun haqqında belə deyərdi: mən onu barmağımda oynadıram. 1978-ci ildə evləndilər. 1986-cı ildə PKK-nın Nitekim konfransında  Kəsirəni alçaltdılar və həbs edildi. Onu bir çox məsələdə günahkar saydılar. Kəsirə PKK-dan mənimlə eyni zamanda ayrılmadı. Ankarada Nadirə adlı bacısı vardı. Hollandiyada yaşamaq hüququ almışdı. Kəsirənin vəziyyəti ilə bağlı ona xəbər göndərdim. Kəsirəni düşərgədən onlar qaçırdılar və Berlinə apardılar. Bu adamlar PKK-dan mənimlə birlikdə ayrılmışdılar. Biz o vaxt PKK içində bir qrup yaratmışdıq. Mən əslində Kəsirənin bizə qarışmasını istəmirdim. Çünki Kəsirənin günahları çoxdur. PKK-da bir çox adamları öldürtdürdü. Düzdür, tətiyi özü çəkmədi, amma bu adamların öldürülməsinə səbəb oldu. PKK içində təfriqə saldı, qarşıdurma yaratdı. Yaxınlarıma dedim ki, bu qadını gətirmisiniz, onunla yaxşı davranın, qoyun bildiklərini bizə danışsın. Kəsirə mənə Apoya qarşı çox diqqətli olmağı məsləhət görürdü. Apoyla bağlı deyirdi ki, “görürsən, özünə yaxın gücləri hərəkətə kətirir”.Əlbəttə, bu söz-söhbət çoxdan gedir. Yəqin ki, siz də soruşacaqsınız: Kəsirənin atası MIT agenti olmayıb ki? Mən deyə bilmərəm ki, agentdir, yoxsa agent deyil. Amma bunu deyə bilərəm ki, o, Yunanıstandan Almaniyaya qaçırıldı, burda 10 gün yaşamaq hüququ aldı".Hüseyn Yıldırım onunla Sovet Ittifaqının Berlindəki səfirliyində görüşdüyünü, bir müddət burada yaşamaq üçün icazə aldıqlarını deyir:“Kəsirə Aponun gizli əlaqələrini öyrəndi. Dərin dövlətlə olan əlaqələrini. Aralarındakı ayrılıq da bununla başladı. Kəsirə danışsa, yer ayaq altından qaçar. Aponun hamı ilə əlaqələri aydınlaşar. Bundan sonra Aponun bir kimsəyə deyəcək sözü qalmaz. O, kürdlərin gözündə heç kimə dönər.Kəsirə agent deyil. Bunu deyənlər günaha batırlar. Bu söz-söhbət onun atasıyla bağlıdır. Mən onun atasının agent olmasını nə təsdiq, nə rədd edirəm. Bununla bağlı araşdırmalar var, sənədlər əlimə keçsə, deyərəm. Məhkəmələrin arxivi açılsa, Kəsirənin atası Əli Yıldırım haqqında hər şey məlum olar.Məsələn, 1938-ci ildə əməliyyatlar başlayanda türkcə bilənlərə çox ehtiyac vardı. Əli Yıldırımın o zaman 20 yaşı vardı və oxumağı, yazmağı bilirdi. O, verilən bütün əmrləri yerinə yetirmişdir. Lakin Əli Yıldırım məhkəmələrdə şahidliyini rədd edir. Qaraqoçanda zabitlərə katiblik edib. Bunu onun ən yaxınları da deyirlər. Atası agent olubsa belə burda övladın nə günahı var? Mənim əlimdə çox sənədlər var, amma Öcalanın agent olduğunu deyə bilmirəm. Onun dövlətlə çox sayda əlaqələri var". Aponu öldürməyə cəhd...“Kəsirə Öcalanın yerinə göz dikmişdimi” sorğusunu vəkil belə cavablandırır: “Mən əslində Kəsirənin PKK-ya, bizim qrupa daxil olmasına tərəfdar deyildim. Biz Kəsirədən çox fərqli düşünürdük. Kəsirə PKK-nın siyasətini dəyişmədən davam etdirmək istəyirdi. Biz bu siyasətin əleyhinəydik. Amma Kəsirənin bir məqsədi vardı: Öcalan rəhbərlikdən getsin, o gəlsin! Biz buna qarşı çıxırdıq. Dəstədə düşünən beyinlərin çoxu öldürülmüşdü. Kəsirə bunu təxribat kimi qiymətləndirirdi. Amma biz düşünürdük ki, mübarizəmizin bu vəziyyətə düşməsində, Aponun qan tökməsində, diktatorluq etməsində hamımız günahkarıq. Hər kəs də öz günahına görə cavab verməlidir.Kəsirə bizimlə söhbətlərdə artıq bunu anlamışdı: Bunlar indidən keçmişə görə cavab istəyirlər. Çünki Kəsirə günahkardı. Çünki Çətin Gündor müxalifətində qətlə yetirilən insanlara görə Kəsirə məsuliyyət daşıyır. Bu məsələni o ortaya atdı, sonra özü də başladı. Kəsirə bizim fikirlərimizi bilirdi, buna görə aramıza nifaq saldı. Məni telefonla axtarıb “onun-bunun agent” olduğunu söyləyəndə deyirdim: “Bir daha mənə zəng etmə, səninlə heç bir əlaqəm yoxdur, sən hər şeyə PKK məntiqi ilə baxırsan, mən qardaşlarıma xəyanət etmərəm”. Bundan sonra əlaqələrimiz kəsildi. Sonra Mehri Bellinin yanına getdi. Mehriyə “Siz mənim işimə qarışmayın, mən sizin işinizə qarışmayacağam”- dedi. Sonra izsiz yoxa çıxdı.Mehri Belli Apodan qabaq PKK-ya xəyanət edənlərə edam fərmanı verən bir adam idi. Amma o, Kəsirəyə qarşı bir söz danışmır, onunla hörmətlə davranır. Çünki Kəsirə onun yanındadı. Kəsirə ilə Aponun münasibətlərinin pozulması nəyinsə haqqında düşünməyə imkan verən bir məsələ deyilmi? Kəsirə niyə heç nə danışmır? Ya onun Apo ilə arasında gizli bir anlaşma var, ya da dövlət onu danışmamağa məcbur edir?Kəsirə: “Çobanla evlənərdim, Apoya ərə getməzdim”Kəsirə deyirdi ki, çobanla evlənərdim, Apoya ərə getməzdim. Qardaşlarım məcbur etdi, bununla evlənəcəksən, - dedilər. Amma sevgisizliyin Kəsirədən, yoxsa Apodan gəldiyini bilmirəm. Mən onu deyə bilərəm ki, bir dəfə Kəsirə Aponun gizli əlaqələrindən xəbər tutdu. Dövlətlə gizli əlaqələrinin olması onu yaman hirsləndirmişdi. Elə ayrılıq burdan başladı. Amma qurduqları ailə məhəbbətə söykənmirdi. Kəsirənin özündən eşitmişdim. Bəs Apodan niyə yaxa qurtarmırdı? Düzdü, Aponun qadınlarla əlaqələrindən danışırlar. Amma əsas məsələ bu deyil. Kəsirə mənə deyirdi: “Görürsən, bağlı olduğu gücləri hərəkətə gətirir”. Bəs Kəsirə Aponu ortadan götürmək istəyirdimi? Belə söz-söhbət vardı. Hətta bununla bağlı bir sürücü də öldürülmüşdü. Onlar hələ məhkəmədə boşanmayıblar, buna görə də nikahlı sayılırlar.Kəsirə agent deyil. Çox hikkəli qadındır. Amma PKK-nın talan və ölümlərində rolu böyükdür. Aponu diktator edənlərdən bəlkə ən birincisidir. Kəsirə Isveçdə yaşamaq hüququ alıb, amma indi dil öyrənmək üçün Ingiltərəyə Yörükoğlunun yanına gedib. Hollandiyada qohumları var. Hərdən ora gedib-gəlir...Apo özündən başqa bir kimsəni qiymətləndirmədi. Həm özünü, həm də Çətin Güngörü, Dilavər Yıldırımı, Mahsun Qorxmazı məhv etdi. Indi Öcalanın dərin dövlətə münasibətindən çox danışılır. Həqiqətdəmi belə əlaqələr olub? Mən Ocalanın Şamda olarkən əlaqələrindən danışa bilərəm. Onun ən yaxın adamları Atif Hocalı, Doğu Perinçek idi. Bunlar dərin dövlətin adamları çıxdılar. Bəlkə Öcalan da dərin dövlətlə bağlıdır?Mən PKK-çı deyildim Mən terrorçuluq etmədim. Diyarbəkrdə yaşananları anladarkən özümü PKK-nın içində tapdım. Ətrafımda çoxlu PKK-çı vardı. 1988-ci ildə Şamda olanda Öcalanı təhlil etdim. Onda anladım ki, bu adamın kürd məsələsi, mübarizə və sevgisi ilə heç bir əlaqəsi yoxdur. Bu adam güc sahibi olmaq istəyirdi. M.Əli Biranda nə deyirdi: “Mən getsəm, dövlət qarşısına 40 PKK çıxar”. Bununla nə demək istəyirdi? Mənimlə yola gəlin, PKK-ya son qoyum. Öcalan hazırlanmışdı, amma maşından düşməmişdi, Məhmət Əli Birand dedi: “Mən ölkəmi çox sevirəm, ölkəmin parçalanmasını istəmirəm. Sizin dediklərinizin çoxuna ortaq olmuram. Amma qəzetçiyəm, qanunların və zamanın imkan verdiyi qədər dediklərinizi efirə verəcəyəm”. Öcalan o zaman dedi: “Bizim ölkəni bölmək istədiyimizi kim dedi?! Bizim müstəqil olmaq istəyimiz yoxdur!”.Vəkil deyir ki, Doğu Perinçek onunla ən azı 40 dəfə görüşməyə cəhd edib. Amma o bu istəkdə olmayıb. Vəkil o adama inanmadığını söyləyir. Onun Apoyla bir-birinə düşmən kimi baxmasının bir oyun olduğunu söyləyir: “Doğu bir dəfə telefonda mənə dedi: ”Apoyla sənin haqqında danışdım". Mənsə “səninlə danışılası bir şeyim yox” - dedim... Öcalan Avropaya niyə gəldi?Öcalan bir gün mənə təlimat göndərdi. Mübarizə çətinləşdi, Suriyada qala bilmirik. Mən qərargahımı ölkəyə köçürürəm. Az keçmiş mənə ayaqçı ilə belə bir təlimat da göndərdi. “Avropada hökumətlərlə danışıqlar apar, mənim ora gəlməm üçün yer hazırla!”. Yoxsa Apo nə etdiyini bilmirdi: bir tərəfdən ölkəyə köçəcəyini deyir, o biri tərəfdən Avropada sığınacaq axtarırdı... Mən ilk olaraq Parisdə yunanlarla görüşdüm. “Həmən gəlsin, yeri hazırdır” - dedilər. Öcalana telefon açdım. “Yunanıstan sizə yer verməyə hazırdır” - dedim. Sonra o mənə Avstriyaya baş vurmağı tapşırdı. Sonradan isə mənə Imralıdan belə bir xəbər göndərdi ki, guya mən onu CIA və MIT-in güclü olduğu Avstriyaya aparmaqla  məxfi orqanlara təhvil verirdim. Bəs o niyə Yunanıstanı seçdi?Bir məsələyə diqqət yetirmək yerinə düşərdi. Öcalanı həbs edib Türkiyəyə gətirmişdilər. Onun edam edilib-edilməyəcəyi müzakirə olunurdu. Ortaq hökumətdə təmsil olunan Ecevit və Baxçalı Öcalanın asılmasına tərəfdardılar. Bu vaxt MIT nümayəndəsi Atəşgün bir sənəd gətirdi və onu Ecevitə verdi. Bu, bir səhifəlik sənəddi. Ecevit bu sənədi Baxçalıya da göstərdi. Məsut Yılmaz Baxçalını ayrı otağa çağırdı. Təkrar toplantıda Baxçalı edam fikrindən daşındı.MIT nümayəndəsi  gətirdiyi sənəddə nə yazılmışdı?".Hüseyn Yıldırımın fikrincə, burda iki məsələ təklif oluna bilərdi. Ya edam etməmək haqqında Amerikaya söz verilmişdi, ya da “bu bizim adam”dır sözləri...

Azadlıq