Musəvi Əhmədinejadı ölkədə referendum keçirməyə çağırdı

SON XƏBƏRLƏR

Musəvi Əhmədinejadı ölkədə referendum keçirməyə çağırdı

2021.10.20, 07:36

Gunaz.tv

İran müxalifətinin liderlərindən olan Mirhüseyn Musəvi jurnalistlərə açıqlamasında prezident Mahmud Əhmədinejadı kəskin tənqid edib.

GünAzTv mətbuat mərkəzinin “Media forum”-a istinadən yaydığı məlumata görə, Musəvi prezidentə səslənərək deyib: “Sizə kim haqq verib ki, istibdad və macəraçılıqla ölkəni dünya ilə qarşı-qarşıya qoyub dəhşətli iqtisadi və siyasi şərait yaradasınız? Özünüz özünüzə “ura” deməyin. Referendum keçirin, görün xalq sizin bu dağıdıcı siyasətinizi qəbul edir, ya yox.

Sizin Nyu-Yorkdakı son çıxış və mövqeyinizin ölkənin milli maraqlarına uyğun olub-olmadığını Xarici İşlər Nazirliyindəki təcrübəli ekspertlərin müzakirəsinə çıxarmaq olar. Düzdür, həmin çıxışınız üçün bəzi ərəb ölkələrinin çayxanalarında oturanlar bəh-bəh və cəh-cəh də deyə bilərlər. Lakin sizin bu mövqeyiniz öz həqiqi təsirini cəmiyyətimizin yoxsul və kasıb təbəqəsinin süfrələrində göstərəcək və milli iqtisadiyyatımızda hiss olunacaq.

Heç bir hökumət öz xalqı ilə vəhdət yaratmadan və onun etimadını qazanmadan ciddi təhlükələr qarşısında özünü müdafiə edə bilməz. Xalqın etimadını qazanmağın yolu isə ona əminlik verilməsidir ki, səsi oğurlanmayacaq. Xalq özü qərar verməlidir ki, prezidentləri BMT-də necə çıxış etsin və hansı ölkə ilə dost və ya düşmən olsun. Ölkəni yalan üzərində idarə etmək olmaz”.

GUNAZ.TV

SON XƏBƏRLƏR