"Bu il fitrə zəkatınızı zibil qutularına atın!"-Tanınmış futbolçu İran əhalisinə müraciət etdi

SON XƏBƏRLƏR

"Bu il fitrə zəkatınızı zibil qutularına atın!"-Tanınmış futbolçu İran əhalisinə müraciət etdi

2023.04.22, 10:39

Gunaz.tv

Tehran rejiminə müxalif olan tanınmış futbolçu Əli Kərimi İran xalqına xitabən bildirib: “Bu il fitrə zəkatınızı zibil qutularına atın. Çünki zibil qutuları istənilən başqa qurumdan (hökuməti nəzərdə tutur - red.) acları daha çox doyurur”.

Qeyd edək ki, Əli Kərimi 1982-ci il avqustun 30-da anadan olub. O, hücumda olan cinah yarımmüdafiəçisi mövqeyində çıxış edib.

2006-cı ildə İran milli komandasının tərkibində dünya çempionatında və Almaniyanın məşhur “Bavariya” klubunda çıxışları ilə tanınıb. Son illərdə Asiyanın ən yaxşı futbolçularından biri olmuş Əli Kərimini azarkeşlər “Asiya Maradonası” adlandırıb. O, 2004-cü ildə “Asiyanın ən yaxşı futbolçusu” adını alıb.

2009-cu il iyunun 17-də Əli Kərimi İran millisinin heyətində Cənubi Koreya millisinə qarşı son oyununu keçirib.

O, 2009-cu ilin prezident seçkisində Mahmud Əhmədinejadın əsas rəqibi Mirhüseyn Musəviyə dəstəyini simvolizə edən yaşıl sarğılarla Cənubi Koreya ilə oyunda meydana daxil olduğu üçün Mehdi Məhdəvikia, Hüseyn Kəəbi və Vahid Haşimianla birlikdə milli komandadan ömürlük kənarlaşdırılıb.

Əli Kərimi İran millisinin heyətində 112 oyuna çıxıb, 36 qol vurub.

Ramazan ayında oruc tutmaqdan imtina etdiyinə görə 2010-cu ilin avqustunda İranın “Steel Azin” klubu onu komandadan uzaqlaşdırmışdı.

2010-2011-ci il mövsümündə Almaniyanın "Şalke 04" klubunda çıxış edib. (report)

GUNAZ.TV

SON XƏBƏRLƏR