Avstraliya vətəndaşı olan iranlıya həbs cəzası verilib

SON XƏBƏRLƏR

Avstraliya vətəndaşı olan iranlıya həbs cəzası verilib

2024.01.31, 14:59

Əli Fərşçi digər sığnacaq almış yerlisini ölkədən qovduracağı ilə hədələdiyi və az maaşla işlətdiyinə görə həbs cəzası alıb.

Gunaz.tv

Avstraliyanın mediası yanvarın 10-u bu barədə xəbər yayıb. Məlumata əsasən Əli Fərşçi öz münasibətlərindən istifadə edərək yerlisini Avstraliyadan deportasiya etdirəcəyi ilə hədələyib.

Həmçinin onun islamdan dönüb xristianlığa keçdiyini İran rəsmilərinə bildirəcəyini deyib.

Fərşçinin hədələrinə görə qorxuya düşən yerlisi az maaşla onun şirniyyat mağazasında iş vaxtından daha çox müddətə işləməyə məcbur olub.

Bu səbəbdən Viktoriya Əyalətinin Məhkəməsi Fərşçiyə 3 il 6 ay həbs və həmin qaçqına 43 min dollar öhəmə qərarı çıxarıb.

Qaçqının şikayətinə əsasən bildirilib ki, həmin qaçqın gündəlik 14 saat olmaqla 20 ay ərzində saatda 10 dollar maaşla Fərşçinin şirniyyat mağazasında işləməli olub.

Avstraliya qanunlarına əsasən 2024-cü üzrə minimum maaş haqqı saatda 23 dollar 23 sent təşkil edir.

Həmçinin İran qanunlarına əsasən islamdan dönmə mürtədlik hesab olunaraq ölüm cəzası ilə nəticələnir.

Taymaz

GUNAZ.TV

SON XƏBƏRLƏR