Contact Us

SON XƏBƏRLƏR

ABŞ Türkiyə və Livanda bir neçə cəmiyyətə sanksiya tətbiq edib

2024.02.01, 10:32
ABŞ Türkiyə və Livanda bir neçə cəmiyyətə sanksiya tətbiq edib

ABŞ Maliyyə Nazirliyi Xarici Vəsaitlərə Nəzarət Bürosu İranın SEPAH və Livanın Hizbullahına maliyyə dəstəyi edən şəbəkəyə sanksiya qoyub.

Gunaz.tv

Sanksiya SEPAH-ın Qüds Qüvvələri və Hizbullaha maliyyə dəstəyi səbəbindən yanvarın 31-də qərara alınmaqla Livan və Türkiyədə 3 təşkilata və bir nəfərə tətbiq olunub.

Nazirliyin bəyanatında bildirilib ki, bu qurumların maliyyə şəbəkələri İran istehsalı olan malları, o cümlədən Suriyaya satmaqla yüzlərlə milyon dollar qazanıblar. 

Həmin qazanclar SEPAH və Hizbullahın terrorist fəaliyyətlərini davam etdirməyə və bölgədə digər terrorist təşkilatlara dəstək üçün əsas maliyyə qaynağı olub. 

Türkiyədə “Mira İhracat İsalət Petrol” Cəmiyyəti İran məhsullarını alıb dünya bazarında sataraq qazancından müəyyən hissəsini Hizbullaha ödəyirmiş. 

Həmçinin cəmiyyətin sahibi və icraçı direktoru İbrahim Təllal Əlvir sanksiya siyahısına salınıb. 

Livan Hizbullahı ilə əlaqədə olan və bu ölkədə yerləşən “Yara” Dəniz Daşımaları Cəmiyyəti və “Hidro” Qazıntı Təchizatının Kirayəsi Cəmiyyəti də terrorizmə maliyyə dəstəyi səbəbindən sanksiyalar siyahısına daxil edilib.

Amerikanın maliyyə nazirinin müavini Bryan Nelson bildirb ki, ABŞ belə bir qanunsuz plan və fəaliyyətləri ifşa edib pozmağa davam edəcək.

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar