FATF İranı öz qara siyahısında saxlayıb

SON XƏBƏRLƏR

FATF İranı öz qara siyahısında saxlayıb

2024.02.24, 13:20

FATF (Financial Action Task Force) fevralın 23-ü nəşr etdiyi yeni hesabatında İranı öz qara siyahısında saxladığını bildirib.

Gunaz.tv

Maliyyə Aktı Məsələləri üzrə Xüsusi Qrup (FATF) bildirib ki, İran çatışmazlıqları qaldırmayana və maliyyə aktını tamamlamayana qədər hələ də qrupun qara siyahısında saxlanılacaq.

Qrup İran hakimiyyətinin 2024-cü ilin yanvarında təqdim etdiyi hesabatı yetərli bilməyərək vurğulayıb ki, İran bu barədə yanaşmasında əsla dəyişiklik etməyib.

Qeyd edək ki, İran öz proksi qüvvələri ilə aydın olmayan maliyyə əlaqələri olduğuna görə Palermo (mütəşəkkil cinayayətkarlığa qarşı mübarizə) və CFT (terrorçuluğun maliyyələşdirilməsinə qarşı mübarizə) konvensiyalarına qoşulmaqdan çəkinir.

Hesabatda bildirilib ki, İran terrorçuluğun maliyyələşdirilməsinə qarşı mübarizə barədə əsaslı addımlar atmasa qrup İranın terrorizmi təmin etdiyi barədə olan fikirlərini dəyişməyəcək.

Həmçinin qeyd olunub ki, İranın bu tərz yanaşması beynəlxalq maliyyə sisteminə təhlükə törədir.

Xatırladaq ki, Maliyyə Aktı Məsələləri üzrə Xüsusi Qrup 2019-cu ildə İranla əlaqədar nəzarəti daha da gücləndirib.

GUNAZ.TV

SON XƏBƏRLƏR