Contact Us

SON XƏBƏRLƏR

Finlandiya Prezidenti NATO liderlərinə potensial münaqişəyə hazırlaşmaq xəbərdarlığı edib

2024.04.11, 12:02
Finlandiya Prezidenti NATO liderlərinə potensial münaqişəyə hazırlaşmaq xəbərdarlığı edib

Finlandiya Prezidenti Aleksandr Stubb NATO liderlərinə ordularını potensial münaqişəyə hazırlamaq barədə xəbərdarlıq edib.

Gunaz.tv

Bu barədə Finlandiya dövlət başçısı "Financial Times"ə müsahibəsində bildirib.

Prezident Stubb NATO müttəfiqlərinin Ukraynaya təcili kömək etməli olduğunu qeyd edərək eyni zamanda öz hərbi imkanlarını gücləndirməli olduqlarını deyib. Finlandiya Prezidenti əlavə edib ki, o, Moskvanın 2030-cu ildən əvvəl NATO ölkəsinə hücum edəcəyinə inanmır.

"Rusiyanın 5-ci maddəni (NATO-nun kollektiv müdafiə bəndini) sınaqdan keçirməsi və Avropanın növbəti hədəf olması ilə bağlı kifayət qədər döyüşkən söhbətlərdən bir az narahatam. Düşünürəm ki, biz hazırlaşmalıyıq, amma məncə, bunun (Rusiyanın NATO-ya hücumu -red.) baş vermə ehtimalı çox azdır. Bütün Avropa dövlətlərinə çağırışım daha çox "Finlandiyalı" olmaqdır. Başqa sözlə, daha hazırlıqlı olmaq. Bundan qaçmaq üçün siz ən pisinə hazırlaşmalısınız", - Aleksandr Stubb qeyd edib.

Finlandiya Prezidenti bildirib ki, yaxın aylarda Kiyevi dəstəkləmək çox vacibdir, çünki Rusiya prezidenti Vladimir Putin özünü "çox inamlı hiss edir" və indidən sentyabr ayına qədər Ukraynanın cəbhə xəttindəki müdafiəsini qırmaq üçün "fürsət pəncərəsi" axtarır.

Rusiyanın Finlandiya sərhədi boyunca hərbi mövcudluğunu artırmaq planları ilə bağlı suala cavab verən dövlət başçısı bildirib ki, Finlandiya bundan narahat deyil: "Biz bütün bunlardan narahat deyilik və buna hazırıq".

O əlavə edib ki, Finlandiyanın əsas ssenarisi 2030-cu ilə qədər Rusiyanın hələ də avtoritar liderə malik olacağı və ordusunu təxminən müharibə başlamazdan əvvəlki səviyyəyə çatdıracağıdır.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar