Contact Us

SON XƏBƏRLƏR

MAQATE rəhbərini İrana gətirən səbəb bəlli oldu!

2024.05.06, 15:29
MAQATE rəhbərini İrana gətirən səbəb bəlli oldu!

BMT-nin Atom Nəzarət Təşkilatının rəhbəri Rafael Grossi bazar ertəsi İrana səfər edib. Rafael Grossi konfransda çıxış edəcəyi və Tehranın nüvə proqramı ilə bağlı danışıqlar üçün rəsmilərlə görüşəcəyi gözlənilir.

Gunaz.tv

Günaz.tv xəbər verir ki, bununla bağlı İran və İsrail mediası məlumat paylaşıb.

Səfər regional gərginliyin artdığı və Beynəlxalq Atom Enerjisi Agentliyinin (MAQATE) İranı yoxlamalar və digər həll edilməmiş məsələlərdə əməkdaşlığın olmamasına görə tənqid etdiyi bir vaxta təsadüf edir.

Təsnim xəbər agentliyinin məlumatına görə, MAQATE-nin rəhbəri Qrossi nüvə konfransında iştirak etmək və ölkənin siyasi rəsmiləri ilə danışıqlar aparmaq üçün bazar ertəsi günorta saatlarında nümayəndə heyəti ilə birgə Tehrana gəlib. İranın digər media orqanları onun gəlişini təsdiqləyib.

 

Iran building new nuclear reactor in Isfahan – DW – 02/05/2024

 

Onun İranın xarici işlər naziri Hüseyn Əmir-Abdollahian və İslam Respublikasının nüvə rəhbəri Məhəmməd Eslami ilə görüşü planlaşdırılır. Qrossinin İranın Nüvə Elmi və Texnologiyası üzrə birinci Beynəlxalq Konfransında da çıxış edəcəyi gözlənilir.

Bazar ertəsi başlayan üç günlük tədbir Natanz uran zənginləşdirmə zavodunun yerləşdiyi və ötən ay İsrailə aid edilən zərbələrin vurulduğu İsfahan əyalətində keçirilir.

Çərşənbə günü İranın Atom Enerjisi Təşkilatının rəhbəri Eslami deyib ki, o, "bu səfərin mövcud olan qeyri-müəyyənlikləri aradan qaldırmağa kömək edəcəyinə əmindir və biz agentliklə əlaqələrimizi gücləndirə biləcəyik".

BMT agentliyinin məlumatına görə, İran son illərdə nüvə obyektlərində MAQATE-nin monitorinq cihazlarını deaktiv edib və müfəttişlərə qadağa qoyub. Qrossi sonuncu dəfə 2023-cü ilin martında İrana səfər edib və prezident İbrahim Rəisi də daxil olmaqla yüksək səviyyəli rəsmilərlə görüşüb.

 

Cooperation is two-way road: Raisi - Tehran Times

 

Tehran rejimi davamlı olaraq nüvə silahı yaratmaq üçün hər hansı ambisiyanı inkar edir və onun atom fəaliyyətinin tamamilə dinc xarakter daşıdığını iddia edir.

Qeyd edək ki, müxtəlif məxfi hesabatlarda İranın təxmin edilən zənginləşdirilmiş uran ehtiyatının 2015-ci il razılaşmasında nəzərdə tutulan həddən 27 dəfə çox olduğunu bildirilir.

Şahin Elxanoğlu

Açar Sözlər :

SEÇİLMİŞ XƏBƏRLƏR

Çox oxunanlar