Contact Us

SON XƏBƏRLƏR

İsrail ordusunun hücumları: 20 İran hərbi mərkəzi hədəfə alınıb

2024.10.26, 10:15
İsrail ordusunun hücumları: 20 İran hərbi mərkəzi hədəfə alınıb

İsrail ordusu cavab hücumlarının üç dalğasının sona çatdığını və İranın 20 hərbi mərkəzinin darmadağın edildiyini elan edib və SEPAH-a yaxın xəbər agentlikləri İranın İsrailə cavab verməyə hazır olduğunu bildirib.

Gunaz.tv

Bu hücumlarda İnqilab Keşikçiləri Korpusunun Tehranda və müxtəlif şəhərlərdəki hərbi bazaları, hərbi və raket sənayesi mərkəzləri hədəfə alınıb və sosial şəbəkələrdə yayımlanan videolarda həmin yerlərdə güclü partlayışların olduğu göstərilir. 

Bu hücumların ilk dalğası gecə saat 01:30-da Tehranın qərbində və ona bitişik bölgələrdə başlayıb və bildirilir ki, Yaftabad və İslamşəhrdəki sənaye və hərbi mərkəzlər bu hücumların hədəfi olub. 

Bir saatdan sonra İranın hərbi bazalarına hücumların ikinci dalğası başlayıb və bu zaman Tehranın şərqindəki bəzi hərbi mərkəzlər də hədəfə alınıb.

İsrailin hava hücumlarının üçüncü dalğasında Xuzistan və İlam daxil olmaqla İranın müxtəlif şəhərlərindəki hərbi mərkəzlər hədəfə alınıb və İranın hava hücumundan müdafiə qüvvələri bu hücumları təsdiqləyərək, bəzi yerlərə məhdud ziyan dəydiyini açıqlayıb.

İsrail ordusunun komandirləri daha sonra mətbuat konfransında "Tövbə günləri" adlandırılan əməliyyatda onlarla döyüş təyyarəsinin iştirak etdiyini və İranın hava hücumundan müdafiə sistemi və raket arsenalı da daxil olmaqla hərbi infrastrukturunun hücuma məruz qaldığını bildiriblər. İsrail ordusunun sözçüsü “X” şəbəkəsində İran hökumətinə İsrailə qarşı cavab tədbirləri görməkdən çəkinməsi ilə bağlı xəbərdarlıq edib, "İran hücum edərsə, cavab üçün başqa hədəflər seçiləcək" - deyə o bildirib.

Açar Sözlər :

SEÇİLMİŞ XƏBƏRLƏR

Çox oxunanlar