Contact Us

SON XƏBƏRLƏR

Ukrayna yeni öldürücü raketi: “Uzun Neptun”

2025.03.17, 12:34
Ukrayna yeni öldürücü raketi: “Uzun Neptun”

Ukrayna 1000 km mənzilli “Uzun Neptun” adlı yeni qanadlı raketini sınaqdan çıxarıb.

Gunaz.tv

GünazTV Forbes-ə istinadən xəbər verir ki, raketlə sınaq zərbələri Rusiya ərazisinə endirilib.

Ukrayna prezidenti Volodimir Zelenski martın 15-də bu barədə üstörtülü şəkildə məlumat açıqlayıb: "Əhəmiyyətli nəticələrimiz var. "Uzun Neptun" sınaqdan keçirildi və döyüşdə uğurla istifadə edildi.”

“Uzun Neptun”, 2022-ci ilin aprelində Rusiyanın Qara Dəniz Donanmasının flaqmanı “Moskva” kreyserini batıran silah olan 5 metr uzunluğunda “Neptun” gəmi əleyhinə qanadlı raketinin uzadılmış versiyasıdır.  “Uzun Neptun” standart “Neptun”dan daha çox partlayıcı daşıyır və 1000 km məsafədəki hədəfləri zərərsizləşdirə bilir. 

Zelenskinin qeyd etdiyi “Uzun Neptun”un uğurlu istifadəsi, ehtimal ki, martın 14-də Ukraynanın cəbhə xəttindən 480 km məsafədə, Rusiyanın Tuapse şəhərindəki neft emalı zavoduna endirilən zərbədir. Tuapseyə hücum, Rusiya neft obyektlərinə endirdiyi zərbələrin hələlik sonuncusudur.

"Uzun Neptun", modifikasiya edilmiş hücum dronlarından daha çox zərər yetirə bilir. Yeni raket Ukraynaya daha yaxşı dərin zərbə sursatları istehsal etmək üçün ABŞ və Avropadan asılılığını azaltmağa kömək edir. "Forbes" qeyd edir ki, Prezident Donald Trampın rəhbərliyi altında ABŞ ən yaxşı halda etibarsız müttəfiqdir. Avropanın isə Ukrayna üçün lazımi sayda müasir qanadlı raketlər istehsal etmək gücü yoxdur.

Ukrayna istehsalı olan digər döyüş sursatları da cəbhəyə yaxınlaşır. Tramp Ukraynanın ABŞ-nin vasitəçiliyi ilə Rusiyanın xeyrinə mümkün atəşkəsə razılaşacağına ümid etsə də, Zelenski hökuməti müharibənin davam etməsinə və daha da gərginləşməsi ehtimalına da hazırlaşır.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar