Contact Us

SON XƏBƏRLƏR

Bloomberg: Ərdoğan aprel ayında Trampla görüşmək istəyir

2025.03.18, 13:29
Bloomberg: Ərdoğan aprel ayında Trampla görüşmək istəyir

Prezident Rəcəb Tayyib Ərdoğanın Ağ Evdə ABŞ prezidenti Donald Trampla görüş təşkil etməyə çalışdığı, ehtimal ki, bu görüşün aprelin sonuna doğru baş tutacağı iddia edilir.

Gunaz.tv

GünazTV xəbər verir ki, Bloomberg-ə danışan rəsmilər bildiriblər ki, Türkiyənin Ukraynadan Suriyaya qədər bir çox mövzuda əhəmiyyətli söz sahibi olmaq istədiyi bir vaxtda Ərdoğan Ankara ilə Vaşinqton arasında strateji tərəfdaşlığın gücləndirilməsini regional sabitlik üçün kritik əhəmiyyət kəsb edir. ABŞ-ın Avropa ilə müttəfiqlik münasibətlərini nəzərdən keçirildiyi vaxtda Türkiyənin NATO-dakı əsas rolunun xüsusilə əhəmiyyətli olduğunu bildirib.

Bazar günü Trampla telefon danışığında Ərdoğan ondan S-400 almasına görə Türkiyənin müdafiə sənayesinə tətbiq etdiyi sanksiyaların ləğvini istəyib. Ərdoğan həmçinin Türkiyənin yenidən F-35 proqramına daxil edilməsini və yeni F-16 qırıcılarının satışının tamamlanmasını tələb edib.

Moskva və Kiyev arasında mümkün sülh razılaşması ilə bağlı beynəlxalq danışıqlar davam edərkən, məsələ ilə bağlı məlumatlı mənbələrə görə, türk qoşunları da Ukraynada gələcək sülhməramlı missiyaya cəlb oluna bilər.

Mənbələr qeyd edib ki, Türkiyənin donanmasını yeniləmək üçün yeni F-16 döyüş təyyarələri almaq və döyüş təyyarələrinin mühərriklərinin birgə istehsalı ilə bağlı uzun müddətdir davam edən tələblər Ərdoğanın gündəmində əsas yer tutur.

Tramp Türkiyəyə qarşı sanksiyaları ləğv etsə, o, Konqresdən Türkiyənin hərbi texnika və texnologiya almasını effektiv şəkildə dayandıran qanundan imtina etməsini xahiş etməlidir. Bu yolla Türkiyə “Lockheed Martin” şirkətinin istehsalı olan beşinci nəsil F-35 təyyarələrini ala, ordusunun NATO alyansının digər üzvləri ilə sinxron işləməsini təmin edə və cənub-şərq sərhədində gücünü artıra bilər.

 

 

Şahin Elxanoğlu

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar