Tramp Putinə müharibəni bitirməsi üçün "psixoloji son tarix" qoyub

SON XƏBƏRLƏR

Tramp Putinə müharibəni bitirməsi üçün "psixoloji son tarix" qoyub

2025.03.31, 11:23

ABŞ prezidenti Donald Tramp martın 30-da bildirib ki, Rusiya prezidenti Vladimir Putin üçün Ukraynada atəşkəsə razılıq verməsi üçün “psixoloji son tarix” qoyub.

Gunaz.tv

"Əgər Rusiyanın bizə toxunduğunu düşünsəm, bundan məmnun olmayacağam" deyən Tramp, "Air Force One" təyyarəsində jurnalistlərə Kreml rəhbərinin "sövdələşmə etmək istədiyinə" inandığını dilə gətirib.

GünazTV "Ukrainska Pravda"-ya istinadən xəvər verir ki, Tramp martın 30-da NBC News-a Putinin Zelenski ilə bağlı səsləndirdiyi ifadələrə görə “hirsləndiyini” bildirib və Rusiya neftinə 25%-50% tarifləri tətbiq etməklə hədələyib.

Putinlə münasibətlərinin "ən aşağı həddə" olub-olmaması ilə bağlı suala Tramp, "Xeyr, mən belə düşünmürəm. Onun sözünün üstündən dönəcəyini düşünmürəm... Biz həmişə yaxşı anlaşmışıq" cavabını verib.

ABŞ prezidenti son aylarda bir neçə dəfə Rusiyaya qarşı əlavə tariflər və sanksiyalarla hədələyib, lakin hələ də bu addımı atmayıb. Xatırladaq ki, Putin martın 11-də ABŞ və Ukraynanın Ciddədə razılaşdırdığı tam 30 günlük atəşkəsdən imtina edib.

Həftə sonu Floridadakı Mar-a-Laqo iqamətgahında Trampı ziyarət edən Finlandiya prezidenti Alexander Stubb, ABŞ prezidentinin Rusiyanın sülh prosesini ləngitdiyinə görə məyus olduğunu söylədi. Stubb həmçinin 20 apreli qeyd-şərtsiz atəşkəs üçün "yaxşı vaxt" adlandırıb.

Tramp martın 25-də etiraf edib ki, Rusiya sülh danışıqlarını ləngidə bilər. Kiyev və bir neçə Avropa ölkələri isə xəbərdarlıq ediblər ki, Rusiya qüvvələri daha çox ərazi ələ keçirmək üçün Moskva prosesi qəsdən uzadır.

Jurnalistlərlə söhbət edən Tramp Zelenskini ABŞ-Ukrayna arasında təbii sərvətlərlə bağlı razılaşmadan çıxmaq istədiyinə görə də tənqid edib.

"O, nadir torpaq müqaviləsindən geri çəkilməyə çalışır və bunu etsə, bəzi böyük problemləri olacaq. O, NATO-ya üzv olmaq istəyir, lakin heç vaxt NATO-nun üzvü olmayacaq. O, bunu başa düşür" - deyə Tramp bildirib.

Zelenski martın 28-də Ukraynanın Avropa İttifaqına daxil olmaq planlarına mane olan heç bir sazişi imzalamayacaq.

Şahin Elxanoğlu

GUNAZ.TV

SON XƏBƏRLƏR