Contact Us

SON XƏBƏRLƏR

Azərbaycanlı ata: “Elman” adlı oğluma doğum haqqında şəhadətnamə almaq üçün 5 il mübarizə aparmışam

2025.04.13, 11:43
Azərbaycanlı ata: “Elman” adlı oğluma doğum haqqında şəhadətnamə almaq üçün 5 il mübarizə aparmışam

Qoşaçaydan olan Azərbaycanlı vətəndaş Mehdi Dərgahi "Elman" adlı oğluna doğum haqqında şəhadətnamə almaq üçün 5 il mübarizə aparıb.

Gunaz.tv

Mehdi Dərgahi bu barədə Balamin Adı kampaniyasına danışıb.

"Oğlum 2014-cü ildə dünyaya gəldi və mən həyat yoldaşımla ona Elman adını verdik, ancaq Doğum haqqında şəhadətnaməmi almaq üçün Qoşaçay Vətəndaşlıq Dairəsi İdarəsinə gedəndə oğlumun adının "Elman" əvəzinə "əlman" kimi qeyd edildiyini gördüm. Mən doğum haqqında şəhadətnaməni qəbul etmədim və vətəndaşlıq vəziyyəti aktlarının qeydiyyatı şöbəsinin müdirinin yanına getdim. O mənə dedi ki, Həmzə işarəsi bizim sistemdə yoxdur və biz Elman yazılı formasından istifadə edərək şəxsiyyət vəsiqəsi verə bilmərik. Bundan sonra mən məhkəməyə şikayət etdim. Məhkəmə iclasında hakim mənə ümumiyyətlə danışmağa və övladıma ad seçmək hüququmu müdafiə etməyə imkan vermədi və dərhal qeydiyyat idarəsinin xeyrinə qərar verdi. Hakim mənə, əgər türk adı yerinə İmam və ya Peyğəmbər adını seçsəydin, mən sənin lehinə səs verərdim, dedi. Hakimin qərarından apellyasiya şikayəti verdim, lakin apellyasiya məhkəməsi VVAQ-nın xeyrinə qərar çıxardı. Mən bu qərardan yenidən apellyasiya şikayəti verdim və iş İnzibati Ədalət Məhkəməsinə verildi və 2 ildən sonra məhkəmə bizim xeyrimizə qərar verdi. Nəhayət, 5 illik hüquqi çəkişmələrdən sonra oğluma Elman adı ilə doğum şəhadətnaməsi ala bildim." - deyə Mehdi Dərgahi bildirib.

Qeyd etdiyimiz kimi, Qeydiyyat Təşkilatının türk adlarına qarşı çıxma üsullarından biri də şəxsiyyət vəsiqəsində türk adlarının düzgün formada deyil, yanlış və təhrif olunmuş formadayazmalarıdır.

 

C

Açar Sözlər :

SEÇİLMİŞ XƏBƏRLƏR

Çox oxunanlar