Contact Us

SON XƏBƏRLƏR

KİV: İranla ABŞ arasındakı əsas problem uranla bağlı deyil

2025.04.26, 13:20
KİV: İranla ABŞ arasındakı əsas problem uranla bağlı deyil

İran ABŞ ilə müzakirələrdə uranın zənginləşdirilməsini yox, öz raket proqramını ən böyük maneə kimi görür.

Gunaz.tv

GünazTV Teleqraf-a istinadla xəbər verir ki, bunu “Sky News Arabia”ya Tehran-Vaşinqton müzakirələri ilə tanış olan İran rəsmisi deyib.

Rəsmi bildirib ki, iranlı müzakirəçilər İtaliyadakı görüşdə ABŞ-nin Tehranın uranın zənginləşdirilməsi proqramını tamamilə dayandırmayacağı və ya artıq zənginləşdirdiyi uranın hamısından imtina etməyəcəyi barədə mövqeyini qəbul etdiyinə əmin olublar. Amma o, İranın raket proqramının əsas mübahisə mövzusu olaraq qaldığını qeyd edib.

ABŞ dövlət Katibi Marko Rubio bu həftə deyib ki, İran razılaşma əsasında uranın zənginləşdirilməsini tamamilə dayandırmalı və yeganə işlək nüvə obyekti olan Buşehrin istismarı üçün lazım olan zənginləşdirilmiş uranı idxal etməlidir.

İran rəsmisi bunun danışıqlarda irəliləyişə töhfə verməyəcəyini söyləyib: “İctimai müzakirələr və qarşılıqlı anlaşmada yeganə problem raket məsələsidir”.

Rəsmi Tehranın raket proqramı ilə bağlı 2015-ci ildə bağlanmış əvvəlki sazişdə razılaşdırılanlardan başqa heç bir güzəştə getməyəcəyinə dair qəti mövqeyini bir daha təkrarlayıb və bildirib ki, İranın müdafiə imkanları müzakirə edilə bilməz.

Xatırladaq ki, ötən həftə Romada keçirilən danışıqlar zamanı İran və Amerika Tehranın nüvə proqramı ilə bağlı uzun müddətdir davam edən mübahisənin həlli üçün çərçivənin işlənib hazırlanmasına başlamaq barədə razılığa gəliblər. ABŞ Prezidenti Donald Tramp bəyan edib ki, razılaşma əldə olunmazsa, İran bombardman ediləcək.

ABŞ-İran danışıqlarının növbəti raundu bu gün Omanda keçiriləcək. Müzakirələrdə ABŞ nümayəndə heyətinə prezidentin xüsusi nümayəndəsi Stiven Uitkoff, İran heyətinə isə xarici işlər naziri Abbas Əraqçi rəhbərlik edəcək.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar