Contact Us

SON XƏBƏRLƏR

Siyamək Kuşi: Türk adlarının iranlı olmadığını deyirlər. Erməni, ərəb və ingilis adları iranlıdırmı?

2025.05.01, 12:13
Siyamək Kuşi: Türk adlarının iranlı olmadığını deyirlər. Erməni, ərəb və ingilis adları iranlıdırmı?

"Türk adlarının iranlı olmadığını deyirlər. Erməni, ərəb və ingilis adları iranlıdırmı?" - bu sözləri Siyamək Kuşi Balamın Adı kampaniyasına deyib.

Gunaz.tv

"2022-ci ildə oğlum Sadaya adına görə Təbriz Vətəndaşlıq Dairəsi tərəfindən doğum haqqında şəhadətnamə verilmədi və mən buna görə çox problem və sıxıntılarla üzləşdim. Bilirəm ki, bir çox soydaşlarımız da bu problemlərlə üzləşib. Oğlumun şəhadətnaməsi yox idi deyə tibbi sığortası da ola bilmirdi. Doğum haqqında şəhadətnaməsi və milli şəxsiyyət nömrəsi olmadığı üçün Təbrizdəki Mərdani-Azər Uşaq Xəstəxanası onu qəbul edə bilməmişdi. Bizə deiyrlər bu [türk] adı iranlı deyil! Bir adın “iranlı olmaması” meyarı nədir? İranlı deyil, nə deməkdir? Əgər türk adları iranlı deyilsə, ərəb adları da, erməni adları da, yəhudi adları da, ingilis adları da iranlı deyil! Necə olur ki, mən oğluma türk ad seçəndə iranlı olmur, amma mənimlə oğlumla eyni vaxtda doğulan uşağa “Karen” adı ilə doğum haqqında şəhadətnamə verirsən. "Karen" İran adıdırmı?" - deyə Siyamək Kuşi bu ədalətsizliyə kəskin etirazını bildirib.

"Mən sonradan Tehrandan Saday adı üçün vəsiqə alsam da Təbrizin vətəndaşlıq vəziyyəti aktlarının qeydiyyatı idarəsinin rəisi doğum haqqında şəhadətnamənin verilməsinə maneçilik törədirdi. Məm sonda məcbur olub Təbriz Vətəndaş Qeydiyyatı İdarəsindən “peşə vəzifəsindən sui-istifadə” ilə bağlı şikayət ərizəsi yazdım. Yalnız bu şikayətdən sonra oğluma doğum haqqında şəhadətnamə verməyə məcbur oldular. "Vətəndaşlıq qeydiyyatı haqqında qanunun 20-ci maddəsinə dəyişiklik edilməsi" kampaniyasına qoşulun ki, heç bir uşaq şəxsiyyət vəsiqəsisiz qalmasın, heç bir ailə və ya uşaq bizim yaşadığımız problemləri yaşamasın." - deyə Siyamək Kuşi bildirib.

 

C

Açar Sözlər :

SEÇİLMİŞ XƏBƏRLƏR

Çox oxunanlar