Pakistan-Hindistan qarşıdurmasında kim daha güclüdür?!

SON XƏBƏRLƏR

Pakistan-Hindistan qarşıdurmasında kim daha güclüdür?! - RƏY

2025.05.06, 15:40

Pakistan-Hindistan qarşıdurmasında kim daha güclüdür?

Gunaz.tv

Tərəflərdən hansının iqtisadi potensialı daha üstündür?

Pakistanın hərbi büdcəsi 7.5 milyard, Hindistanın isə 87 milyard dollardır. Bu fərq yalnız saylarla deyil, həm də hər iki ölkənin hərbi strategiyaları və təchizat imkanları ilə bağlı əhəmiyyətli təsirlərə səbəb olur. Pakistanın öz kiçik hərbi büdcəsi ilə hansı ciddi müharibə apara biləcəyi mütəxəssislər tərəfindən müzakirə edilir. Özündən qat-qat kiçik Azərbaycanın hərbi büdcəsinə yaxın büdcəsi Pakistanın sərhəd təhlükəsizliyini qorumağa və qısa müddətli əməliyyatlar həyata keçirməyə yetə bilər, amma bu büdcə geniş miqyaslı müharibələrdə ciddi məhdudiyyətlər yaradar.

Bu gün irimiqyaslı savaş aparan Rusiya müharibəyə hər gün 360-400 milyon dollar sərf edir. Bu məbləğ nəzərə alındıqda, Pakistanın Hindistanla aktiv döyüşə girmək üçün yalnız 15-20 günlük əməliyyatlar apara biləcək büdcəyə malik olduğu aşkar olur.

Tərəflərdən hansının istehsal potensialı daha üstündür?

Hindistan, istehsalat sahəsində ciddi irəliləyişlər əldə etmiş bir ölkədir və iynədən tutmuş kosmik texnologiyalara qədər bir çox sahədə özündə müstəqil istehsal gücü yarada bilmişdir. Pakistan isə hələ də bəzi sahələrdə çox primitiv və zəif istehsal qabiliyyətinə sahibdir.

Hansı ölkə daha stabildir?

Pakistanın siyasi və sosial vəziyyəti, xüsusilə 1980-ci illərdən sonra dini ideologiyaların siyasi məqsədlər üçün istifadəsi, ölkənin sabitliyini ciddi şəkildə təhdid edir. Ölkədə radikal qrupların sayı artıb, bu daxili məsələlərin həllini daha da mürəkkəbləşdirir. Pakistanın müxtəlif bölgələrində çoxsaylı terror hadisələri baş verir, yüzlərlə siyasətçi, məmur və dövlət rəsmisi bu hadisələrdə həlak olub. Şiə-sünni münaqişələri və digər sosial gərginliklər, ölkənin sabitliyini təhdid etməyə davam edir.

Hindistanın sosial və siyasi vəziyyəti isə fərqlidir. Hindistanda millətçilik anlayışı yüksəkdir və əhalisinin 80%-dən çoxu Hinduism dininə etiqad edir ki, bu da əhalinin dövlətə sadiqliyinə və dövlətin sütunlarını sarsacaq radikalizmə yönəlməməsinə rəvac verir.

Təssüf ki, Pakistan üçün eyni sözləri demək olmur. Hələ keçən ay bəluc separatçılarının 450 nəfəri qatarda girov götürüb sərnişinləri öldürməsi, ölkənin nəzarət etdiyi ərazilərdə belə təhlükəsizliyin zəif olduğunu göstərir. Polis və məmur sisteminin zəifliyi, xüsusilə kəndlərdəki şiə-sünni qarşıdurmaları, Pakistanın sosial strukturunu sarsıdır.

- Mübarizlər vətənpərvərliyin təbliği ictimai birliyinin sədri Orxan Atabəy (Vəliyev)

GUNAZ.TV

SON XƏBƏRLƏR