Tramp: Atəşkəs olmasa, əlavə sanksiyalar tətbiq edəcəyik

SON XƏBƏRLƏR

Tramp: Atəşkəs olmasa, əlavə sanksiyalar tətbiq edəcəyik

2025.05.09, 10:58

Ukraynada 30 günlük atəşkəs əldə olunmasa, Amerika administrasiyası və tərəfdaşları sanksiyalar tətbiq edəcək.

Gunaz.tv

GünazTV Musavat.com-a istinadla xəbər verir ki, bunu Amerika prezidenti Donald Tramp Truth Social-da yazıb.

O qeyd edib ki, Moskva və Kiyevlə danışıqlar davam edir. Onun sözlərinə görə, Vaşinqton “ideal olaraq 30 günlük qeyd-şərtsiz atəşkəsə” çağırır.

Tramp “məqbul atəşkəsə əməl olunacağına” ümid etdiyini bildirib. Amerika lideri həmçinin ümid edir ki, hər iki tərəf “bu birbaşa danışıqların müqəddəsliyinə hörmətlə yanaşdıqlarına görə məsuliyyət daşıyacaqlar”. “Əgər atəşkəs rejiminə əməl olunmasa, ABŞ və onun tərəfdaşları əlavə sanksiyalar tətbiq edəcəklər”, - Amerika prezidenti yazıb.

O, həmçinin bildirib ki, Amerika Avropa ilə birlikdə Rusiya və Ukrayna arasında sülhə gətirib çıxaracaq davamlı atəşkəs əldə etməyə çalışacaq: "Hər həftə Ukraynada minlərlə gənc hərbçi ölür və hər kəs bunun dayandırılmasını istəməlidir. Mən bunu istəyirəm, Amerika Birləşmiş Ştatları da edir. Mən prezident kimi Rusiya ilə Ukrayna arasında sülhün bərqərar olması üçün avropalılarla çalışacağam və bu, davamlı sülh olacaq! Bu atəşkəs son nəticədə sülh sazişinə gətirib çıxarmalıdır. Mən lazım olarsa, bunun üçün öz səylərimi dərhal təmin edərəm”.

Ş.E

GUNAZ.TV

SON XƏBƏRLƏR