Contact Us

SON XƏBƏRLƏR

Əl-Cəzirə: Tehran ABŞ-ın misli görünməmiş hava və dəniz təzyiqi altındadır

2026.02.05, 18:56
Əl-Cəzirə: Tehran ABŞ-ın misli görünməmiş hava və dəniz təzyiqi altındadır

ABŞ-ın İran ətrafında hərbi güc nümayişi davam edir; hərbi təzyiq halqası getdikcə daralır.

Gunaz.tv

Əl-Cəzirə telekanalı analitik hesabatında xəbərdarlıq edir ki, ABŞ son həftələrdə İranın ətrafında döyüş gəmiləri, strateji bombardmançı təyyarələr, kəşfiyyat uçuş aparatları və raket sistemlərini geniş şəkildə yerləşdirməklə gərginliyi birbaşa hərbi qarşıdurma həddinə çatdırıb. Kanal bu hərbi düzülüşü Tehrana qarşı hərtərəfli təzyiqin açıq göstəricisi kimi qiymətləndirir.

«Project Force» proqramı çərçivəsində təqdim olunan hesabatda bildirilir ki, ABŞ havadan Global Hawk və U-2 kimi qabaqcıl kəşfiyyat təyyarələri, eləcə də B-52 strateji bombardmançıları və F-35 qırıcıları vasitəsilə sürətli aşkarlama və zərbə imkanlarını gücləndirib. Eyni zamanda, aviadaşıyıcı qruplar, nüvə sualtı qayıqları və “Aegis” raketdən müdafiə sistemi ilə təchiz olunmuş esmineslər Ərəb körfəzi və Hörmüz boğazı ətrafında yerləşdirilib.

Əl-Cəzirə vurğulayır ki, bu hərbi yerləşdirmə İranı cilovlamaq və birbaşa təhdid yolu ilə çəkindirmə məqsədi daşıyır və Tehranın artan strateji təcridini və təhlükəsizlik baxımından zəifləyən mövqeyini göstərir. Kanalın fikrincə, diplomatiya hələlik rəsmi şəkildə kənara qoyulmasa da, real hərbi toqquşma riski region üçün heç vaxt bu qədər yüksək olmayıb.

GünAzTV

Açar Sözlər :

SEÇİLMİŞ XƏBƏRLƏR

Çox oxunanlar