Contact Us

SON XƏBƏRLƏR

Ynet: Amerika İsrailə Türkiyə şirkətinin istehsal etdiyi 27 min bomba satır

2026.03.07, 18:26
Ynet: Amerika İsrailə Türkiyə şirkətinin istehsal etdiyi 27 min bomba satır

Tramp administrasiyası İsrailə 660 milyon dollar dəyərində böyük silah satışı layihəsini irəli sürüb.

Gunaz.tv

Bu barədə "Ynet" məlumat yayıb.

Bu razılaşmaya 27 mindən çox bomba daxildir və diqqətçəkən məqam ondan ibarətdir ki, bu sursatlar Türkiyə müdafiə şirkətinə məxsus olan bir müəssisə tərəfindən istehsal olunur.

ABŞ Dövlət Departamentinin cümə gecəsi açıqladığı məlumata görə, satışa MK-80 seriyalı minlərlə bomba və onlarla əlaqəli avadanlıqlar daxildir. Dövlət katibi Marko Rubio bildirib ki, İranla müharibə “təcili satış tələb edən fövqəladə vəziyyət” yaradır və bu səbəbdən administrasiya adətən silah ixracı üçün tələb olunan Konqres baxış prosesini yan keçə bilir.

Razılaşmaya əsasən, İsrail ümumi dəyəri təxminən 660 milyon dollar olan 20 mindən çox bomba alacaq. Rəsmi bölgüyə görə, paketə hər biri təxminən yarım ton çəkidə olan və ümumi dəyəri təxminən 151,8 milyon dollar olan 12 min ədəd BLU-110A/B bombası daxildir. Bundan əlavə, İsrailə təxminən 250 kiloqram çəkidə 10 min bomba, 5 min kiçik diametrli bomba, eləcə də texniki, logistika və dəstək xidmətləri veriləcək.

Qeyd edək ki, şirkətin Türkiyə qanadı "Altay" tankları üçün parçalar da istehsal edir.

 

C

Açar Sözlər :

SEÇİLMİŞ XƏBƏRLƏR

Çox oxunanlar