Pakistan ordusunun baş komandanı Vens və Əraqçı ilə danışıb

SON XƏBƏRLƏR

Pakistan ordusunun baş komandanı Vens və Əraqçı ilə danışıb

2026.04.06, 15:56

Pakistan ABŞ-İran müharibəsinə son qoymaq üçün Hörmüz boğazının açılmasını nəzərdə tutan plan hazırlayıb.

Gunaz.tv

Bu barədə “Röyters” məlumat yayıb.

“Pakistan tərəfindən hazırlanan plan iki mərhələli yanaşma təklif edir: dərhal atəşkəs (bu, Hörmüz boğazının açılmasına imkan verəcək) və ardınca hərtərəfli razılaşma. Bu razılaşma 15-20 gün ərzində yekunlaşdırılacaq”, - məlumatda qeyd olunub.

Bildirilib ki, yekun razılaşmaya İranın sanksiyaların yüngülləşdirilməsi və dondurulmuş aktivlərin azad edilməsi müqabilində nüvə silahı istehsal etməmək öhdəliyi daxil olacaq.

“Röyters”in mənbəyə istinadla verdiyi məlumata görə, Pakistan ordusunun baş komandanı Asim Munir bütün gecəni ABŞ vitse-prezidenti Cey Di Vens, Trampın xüsusi nümayəndəsi Stiv Uitkoff və İranın xarici işlər naziri Abbas Əraqçı ilə əlaqə saxlayıb.

“Bütün elementlər bu gün razılaşdırılmalıdır”, - mənbə bildirib.

Lakin iki pakistanlı mənbənin məlumatına görə, diplomatik və hərbi əlaqələrin intensivləşməsinə baxmayaraq, İran hələ də plana razılıq verməyib.

GünazTV

GUNAZ.TV

SON XƏBƏRLƏR