Contact Us

SON XƏBƏRLƏR

Bloomberg: ABŞ istisnanı ləğv etdikdən sonra milyonlarla barel İran nefti qeyri-müəyyən vəziyyətdə qalıb

2026.07.08, 08:40
Bloomberg: ABŞ istisnanı ləğv etdikdən sonra milyonlarla barel İran nefti qeyri-müəyyən vəziyyətdə qalıb

"Bloomberg" agentliyinin çərşənbə günü yaydığı məlumata görə, ABŞ-ın Tehrana xam neft satışına imkan verən 60 günlük istisnanı ləğv etməsindən sonra tankerlərdə daşınan on milyonlarla barel İran nefti qeyri-müəyyən vəziyyətdə qalıb.

Gunaz.tv

"Bloomberg"in Vortexa şirkətinin məlumatları əsasında apardığı hesablamalara görə, hazırda təxminən 63 milyon barel İran nefti ya daşınma prosesindədir, ya da tankerlərdə gözləmə vəziyyətində saxlanılır. Bu neft Ərəb körfəzində və Asiya sularında yerləşən gəmilərdədir. Bir çox tanker isə konkret təyinat məntəqəsi göstərmir və ya yeni sifarişlər üçün hazır olduğunu bildirir.

"Bloomberg" ayrıca xəbər verir ki, tankerlərə qarşı bir sıra hücumlara baxmayaraq, çərşənbə günü səhər saatlarında bir neçə gəmi Hörmüz boğazından keçib. Məlumata görə, baş vermiş hücumlar gəmi sahiblərini bu strateji su yolunda fəaliyyət göstərməyin risklərini yenidən qiymətləndirməyə vadar edib.


C

Açar Sözlər :

SEÇİLMİŞ XƏBƏRLƏR

Çox oxunanlar