Contact Us

SON XƏBƏRLƏR

Mahmud Abbas Türkiyədən nə ilə qayıdır?

2021.10.20, 07:36
Mahmud Abbas Türkiyədən nə ilə qayıdır?

Gunaz.tv
Mahmud Abbas Türkiyədən nə ilə qayıdır? 20090129233812erdogan_peres.jpg Ərdoğanın Davosda dedikləri, Türkiyənin roluna dair şübhələr yaradıb Fələstin muxtariyətinin lideri Mahmud Abbasın Türkiyəyə səfəri başa çatıb. Ankaradakı görüşlərdə Fələstindəki qruplar arasında birliyin əldə edilməsi diqqət mərkəzində olub. Türk mətbuatının yazdığına görə bu istiqamətdə müəyyən razılıq əldə edilib. Ankara, Fələstin muxtariyyətinin liderinə səfər çərçivəsindəki bütün görüşlərdə Fələstində milli birliyin əldə edilməsi və Həməsın sülh prosesinə daxil edilməsi zərurətini bildirdi. Baş nazir Ərdoğan açıq şəkildə bildirdi ki, Türkiyə Fələstini beynəlxalq arenada dəstəkləyərkən, "Hələ öz aralarında razılaşsınlar" kimi cavablarla qarşılaşır. Mahmud Abbas da milli birlik hökümətinin qurulmasına önəm verdiklərini bildirməklə yanaşı, mühasirənin davam etməsinə imkan verəcək bir hökümət istəmədiklərini qeyd etdi . Yerli müşahidəçilərin fikrincə, Ankara ilə Fələstin muxtariyyənini rəhbərinin bəyanatları 100 faiz üst- üstə düşməsə də, müəyyən nəticələr əldə edilib. Xüsusi ilə tərəflərin ikitərəfli atəşkəsin şərtləri və milli birlik üçün Misirin davam etdirdiyi müzakirələrə müsbət tövhə verilməsi məsələlərində razılıq əldə edildiyi bildirilir. Eyni zamanda, bəzi müşahidəçilər yaxın zamanda İsraildən də orta səviyyəli bir nümayəndə heyətinin Ankaraya gəlməsinin sürpriz olmayacağını bildirirlər. Bu da analitiklərin fikrincə, göstərir ki, Ərdoğanın Davosda İsrail prezidentinə qarşı sərt çıxışından sonra Türkiyənin Yaxın Şərq prosesində nüfuzuny itirəcəyini proqnozlaşdıranlar bir qədər tələsiblər. Türkiyə əvvəlki kimi fəal rol oynamağa çalışır, yalnız prioritet məqsəd kimi Fələstində ayrı-ayrı qruplar arasında birliyin yaranmasına səy göstərir.

SEÇİLMİŞ XƏBƏRLƏR

Çox oxunanlar