AŞPA Konqressi mart referendumu ilə bağlı narahatlıq ifadə edir Avropa Şurası Parlament Assambleyasının Yerli və Regional Hakimiyyətlər Konqressinin sədri Yan Mikaleff Azərbaycan Konstitusiyasına təklif edilən dəyişiklərlə baqlı narahat olduğunu bildirib. AŞPA rəsminin qənaətinə görə, düzəlişlər icra hakimiyyətinin bələdiyyələr üzərində təsirini möhkəmləndirə bilər. Bu isə, onun fikrincə, rəsmi Bakının öz üzərinə götürdüyü beynəlxalq öhdəliklərə ziddir. Yan Mikaleff, eyni zamanda, referendumdan əvvəl ekspert rəyi üçün bu düzəlişləri Venesiya Komissiyasına təqdid etməyə çağırıb. Yan Mikaleff hesab edir ki, referenduma çıxarılan düzəliş və əlavələr təsdiq edilərsə, hökümətin bələdiyyələr üzərində təsiri arta bilər. Onun zənnincə, bu, Azərbaycanın da ratifikasiya etdiyi Avropa Yerli Özünüidarəetmə Xartiyası ilə zidiyyət təşkil edə bilər. Amma Bakıda Avropadan səslənmiş bu narahatçılıqla bölüşmürlər. Milli Məclisin hüquq siyasəti və dövlət quruculuğu üzrə komissiyasından Azay Quliyev Yan Mikaleffin mülahizələri ilə razı deyil. Onun fikrincə, bələdiyyələr, əksinə, daha da məhsuldar və şəffaf işləyəcək. Öz növbəsində, Hüququ Dövlət Araşdırmalar Fondunun prezidenti Müzzəfər Baxışov referendumdan sonra yerli idarəetmə organlarının daha da təsirinin azalacağı haqda narahatcılığı əsassız hesab etmir. Onun sözlərinə görə, referendumdan sonra bələdiyyə icra orqanının əlavəsinə çevlirəcək. Assambleyanın Yerli və Regional Hakimiyyətlər Konqressinin sədri öz açıqlamasında mart səsverməsindən əvvəl dəyişiklik və düzəlişləri ekspert rəyi üçün qurumun Venesiya Komissiyasına təqdim etməyə də çağırıb. Amma Azay Quliyev referemdumun gələn ay baş tutacağını və artıq gec olduğunu xatırladır. Bakının mənfi münasibətinə baxmayaraq, AŞPA-nın Konstitusiyaya ediləcək dəyişiklərə rəy verəcəyi gözlənilir. Qurumun Venesiya Komissisyasına istinad edən APA agentliyi xəbər verir ki, rəyin Komissiyanın martın 13-14-də baş tutacaq plenar içlasında verilməsi nəzərdə tutulub. Yan Mikaleffin şərhi: Azərbaycan hakim dairələri, ümumiyyətlə, Konstitusiyaya dəyişikliklər təklifi ilə çıxış etməməli idilər. 146-cı maddə açıq şəkildə yerli hakim dairələrinin muxtariyyəti prinsipi əleyhinədir. Biz, hakim dairələri yerli hakim dairələrə hansı hüquqlar təqdim edilməlidir məsələsində erkən mərhələdə xəbərdar etmişik. Bizim narahatçılığımız bundan ibarətdir ki, onlar öhdəliklərindən üz döndərməkdədirlər. Mən Azərbaycanın Ədliyyə Nazirliyinə məktub göndərməyə hazırlaşıram. Həmin məktubda mən məsələni Venesiya Komissiyasına təqdim etməyə çağıracam. Referendum Azərbaycan hakimiyyəti tərəfindən təyin edilib və ümidvaram ki, yəni, gözləyirəm ki, lazım gəldikdə, bu tədbir təxirə salına bilər. Buna vaxt olmasa isə, biz zəmanət verə bilərik ki, yerli orqanların səlahiyyətləri qüvvədə qalacaq və yaxşıya doğru olacaq. 141-ci maddəyə görə, hökumət bələdiyyələrə nəzarət edir. Referenduma çıxarılan daha bir maddə bələdiyyələrin öz fəaliyyəti barədə dövlət qarşısında hesabat verməsidir. Hər iki maddə bizim dərin narahatlığımıza səbəb olur.bbc