Contact Us

SON XƏBƏRLƏR

Erməni cəmiyyətində radikal meyllər sürətlə yayılır

2021.10.20, 07:36
Erməni cəmiyyətində radikal meyllər sürətlə yayılır

Gunaz.tv
Erməni cəmiyyətində radikal meyllər sürətlə yayılır serj-sarkisan.jpg Ermənistan Dağlıq Qarabağ münaqişəsilə bağlı beynəlxalq təzyiqlərə tab gətirə bilmir. İşğal altında olan əraziləri boşaltmaqdan başqa çarə olmadığını görən ermənilər bir-birini satqınlıqda ittiham edir. Növbəti vətən xaini prezident Serj Sarkisyandır. Erməni Könüllüləri Birliyi prezidenti ali erməni maraqlarına xəyanət etməkdə günahlanldırır. Birliyin mövqeyinə görə, Sarkisyan faktiki olaraq Azərbaycanın ərazi bütövlüyünü tanıyıb və bununla da Dağlıq Qarabağdan çəkiləcəyini bəyan edib. Ermənistan prezidenti həm də uğursuz xarici siyasət yürütməkdə ittiham olunur. Erməni Könüllüləri Birliyinin iddiasına görə, məhz Sarkisyanın yarıtmaz siyasətinin nəticəsidir ki, bu gün az qala bütün dünya Azərbaycanın ərazi bütövlüyünü tanıyır. Birləşmiş Millətlər Təşkilatı Ermənistanı işğalçı dövlət adlandıraraq ondan Azərbaycan torpaqlarından çəkilməyi tələb edir. Erməni Könüllüləri Birliyinin «Armeniyatudey» xəbər saytında yayılmış bəyanatında Türkiyənin Yerevana münasibəti də Ermənistan iqtidarının uğursuzluğu kimi təqdim edilir. Bildirilir ki, əgər Ankara hələ də Dağlıq Qarabağın boşaldılmasını Yerevanın qarşısına şərt kimi qoyursa, deməli Serj Sarkisyan və komandasının xarici siyasəti iflasa uğrayıb. Sonda Ermənistan prezidenti könüllü şəkildə istefa verməyə çağrılır. Ermənistan cəmiyyətində bu cür radikal fikirlər son zamanlar sürətlə yayılır. Ekspertlərin fikrincə, buna səbəb ölkənin çıxılmaz vəziyyətdə olmasıdır. Ötən il aparılmış danışıqlar və beynəlxalq qurumların mövqeyi bir daha göstərdi ki, Ermənistan işğal etdiyi torpaqlardan çəkilməlidir. Ölkənin iqtisadiyyatı çökmək ərəfəsindədir və Rusiyadan alınan 500 milyon dollarlıq ianə ermənistanı faktiki olaraq kremlin sərəncamında olan iqtisadi zonaya çevirir. Böhranlı vəziyyətin erməni cəmiyyətində müxtəlif aqressiv meyllər formalaşdırması isə təbiidir.

SEÇİLMİŞ XƏBƏRLƏR

Çox oxunanlar