Kiyev Bakının təbii strateji müttəfiqidir, Ukrayna Azərbaycanın Avropa Birliyinə, NATO-ya qapısı kimi qiymətləndirilə bilər

SON XƏBƏRLƏR

Kiyev Bakının təbii strateji müttəfiqidir, Ukrayna Azərbaycanın Avropa Birliyinə, NATO-ya qapısı kimi qiymətləndirilə bilər

2021.10.20, 07:36

Gunaz.tv

Avropanın təhlükəsizlik arxitekturasında məhəng daşı "Kiyev Bakının təbii strateji müttəfiqidir, Ukrayna Azərbaycanın Avropa Birliyinə, NATO-ya qapısı kimi qiymətləndirilə bilər"

Ukrayna prezidenti Viktor Yuşşenkonun Azərbaycana son işgüzar səfəri beynəlxalq aləmin də diqqət mərkəzindədir. Odessa-Brodı neft kəmərinə sınaq məqsədiylə neftin doldurulacağı barədə verilən bəyanat və dövlət başçılarının yüksək səviyyəli görüşü səfərin uğurlu keçdiyindən xəbər verir. Qeyd edək ki, GUAM-da əsas aparıcı dövlətlər olan Ukrayna və Azərbaycanın prezidentləri Bakıdan qurumun Batumda keçirilən sammitinə yollanıblar. Bəs Azərbaycan-Ukrayna münasibətlərinin inkişafı nə vəd edir? Avroatlantika Əməkdaşlıq Assosiasiyasının prezidenti Sülhəddin Əkbər deyir ki, Ukrayna yeni Avropa təhlükəsizlik arxitekturasının məhəng daşı hesab olunur. Ramiz Mikayıloğlu Bu dövlət Həm ABŞ, həm də Avropa Birliyinin Avropanın təhlükəsizliyinə yeni mərhələdə baxışının əsasında duran əsas amillərdən biridir. Bu baxışdan yola çıxılsa, Ukraynanın əhəmiyyəti aydındır. Ukrayna Azərbaycanın Avropa Birliyinə, NATO-ya açılan qapısı kimi də qiymətləndirilə bilər. Eyni zamanda həm də Rusiyanın yeni imperiya siyasətinin qarşısında duran əsas postsovet ölkəsidir. Başqa sözlə, Kiyev Bakının təbii strateji müttəfiqidir: "Əgər Azərbaycan bəyanladığı kimi demokratiya, Avroatlantika strukturlarına inteqrasiya yolunu seçibsə, bu yolda onun ən yaxın yardımçılarından biri Kiyev olacaq. Ukrayna-Azərbaycan əlaqələrinin inkişafı strateji əhəmiyyət daşıyır. Mən bu əlaqələrin inkişafını müsbət qiymətləndirirəm". Azərbaycan-Ukryana əlaqələrinin inkişafının GUAM-ın prespektivinə təsirinə gəlincə, Avroatlantika Əməkdaşlıq Assosiasiyasının prezidentinin sözlərinə görə, heç kimə sirr deyil ki, GUAM postsovet məkanının bir hissəsinin geopolitik transformasiyasında aralıq bir mərhələdir. Yəni Azərbaycan, Ukrayna, Gürcüstan və Moldova Avroatlantik strukturlara inteqrasiya, demokratiya yolunu seçmiş ölkələrdir: "Ona görə də GUAM aralıq geopolitik transformasiya mərhələsi kimi dəyələndirilir. Bu baxımdan GUAM-ın genişlənməsi, yeni dövlətlərin ora daxil olması, bu qurumda münasibətlərin dərinləşməsi də mümkündür. Digər tərəfdən, bu ölkələrin Avropa Birliyinə daxil olmasından sonra GUAM öz tarixi funksiyasını başa vuracaq". xalqcebhesi

GUNAZ.TV

SON XƏBƏRLƏR