Erməni nankorluğu X. HÜSEYNZADƏ Ötən il "Avrovizyon" musiqi yarışmasında Türkiyə Ermənistanı ən yüksək qiymətlə - 12 balla qiymətləndirəndə türk xalqının genişürəkliliyinə çox təəssüflənmişdim. Tarixin dönə-dönə təsdiqlədiyi "erməni türkün ən böyük düşmənidir" şüarını Türkün bu gün də qulaqardına vurmasına, başına bu qədər bəlalar gəlməsinə baxmayaraq hələ də öz düşmənini tanıya bilməməsinə təəssüflənməyib, neyləyəsən?! Qəhrəman TÜRK xalqının bugünkü nəsli TÜRK anlamının özündə nələr ehtiva etdiyini anlamır, dərk etmir. Ermənilərin zaman-zaman türkləri qəddarcasına qətlə yetirməsinə, bizə qatı düşmən münasibətin müqabilində onlara humanistcəsinə yanaşmağımız başısoyuqluğumuzun, vətənpərvərlik hisslərindən tədricən uzaqlaşmağımızın nəticəsidir. Və bu xüsusiyyətlərimizlə ən böyük bəlalarımızın, bədbəxtliyimizin təməlini qoyduğumuzun belə fərqində deyilik. Türkiyədə qətlə yetirilən erməni Hrant Dinkə qardaş Türkiyə xalqının yas saxlaması tariximizin səhifələrinə düşmüş qapqara ləkə kimi gələcək nəsillərin qınağına tuş gələcək. Nə yazıq ki, bütün bunlar biz türkləri ayıltmır ki, ayıltmır. Türklərin humanistliyinə, laqeydliyinə ermənilər öz xislətlərinə uyğun cavab verməkdədirlər. Ermənistanda bir nəfər də olsun türk yaşamadığı halda bu gün Azərbaycanda və Türkiyədə leqal və qeyri-leqal şəkildə on minlərlə, yüz minlərlə erməni yaşayır, türkün çörəyini yeyir. Türkiyədə turizmlə məşğul olan Sevan Nişanyan adlı erməni bugünlərdə Mustafa Kamal Atatürk haqqında təhqiramiz fikirlər söyləyib. İzmirin Səlcuq qəsəbəsinin Şirincə kəndində yaşayan S.Nişanyan yerli qəzetlərin birinə müsahibəsində Atatürkü diktatura qurmaqda, öz şəxsiyyətinə pərəstiş yaratmaqda ittiham edib. Atatürk milliyyətçiliyini "1920-ci illərin faşizmi" adlandıran S.Nişanyanın bu açıqlamaları ilə əlaqədar Cümhuriyyət Xalq Partiyasının Səlcuq təşkilatı yerli prokurorluğa şikayət edib. Təşkilatın sədri Bəkir Gündüz bildirib ki, Sevan Nişanyan bu gün diktator adlandırdığı liderin qurduğu demokratik dünyəvi Türkiyə Cümhuriyyətində etnik və dini mənsubiyyətinə fərq qoyulmadan yaşayıb işlədiyini unutmamalıdır: "Mustafa Kamal diktator olsaydı, milli iradəyə əsaslanan cümhuriyyət qurmazdı. Onun milli ideyalarından, bu ideyaların real həyatda əksini tapmasından narahat olan qüvvələr və onların Sevan Nişanyan kimi nökərləri əvvəldən də vardı, bundan sonra da olacaq". Gəmidə oturub gəmiçilə dava etmək, kəsdiyi çörəyi tapdalamaq, nankorluq, xəyanətkarlıq erməni xislətinin mahiyyətidir. Nə qədər ki, içərimizdə xəyanətkarlar yaşayırlar, fürsət düşən kimi bizi içərimizdən parçalamağa çalışacaqlar. Buna əyani sübut kimi ermənilərin din mərkəzi olan Eçmiədzin Sinodunun prokuroru A.Frenkelin 1907-ci ildə Müqəddəs Sinoda təqdim etdiyi arayışda yazdıqlarını yada salmaq istərdik: "Elə bil hər şeyə təmənnalı yanaşma, çəkişmə, ziddiyyət, əhdi pozmaq, satqınlıq, yarınmaq bu qurumun başlıca milli xüsusiyyətidir". Xuraman HÜSEYNZADƏ 525