Musəvinin qızları: “Rəsmilər valideynlərimizin üzərindən həbsin götürülməsi barədə vədləri yerinə yetirmək əvəzinə susurlar”

SON XƏBƏRLƏR

Musəvinin qızları: “Rəsmilər valideynlərimizin üzərindən həbsin götürülməsi barədə vədləri yerinə yetirmək əvəzinə susurlar”

2021.10.20, 07:36

Gunaz.tv

GünAzTV: İrandakı “yaşıl hərəkat”ın liderlərindən olan və 6 ildir ETTELAAT məmurlarının nəzarətində xanımı ilə birlikdə ev dustaqlığında saxlanılan Mirhüseyn Musəvinin qızları, oktyabrın 10-da birgə məktub yazaraq valideynlərinə edilən zülmdən və onların taleyinə biganə münasibətdən gileyləniblər.

Zəhra, Nərgiz və Kövkəb Musəvinin “tarix”ə ünvanladığı məktubda, İran prezidenti Həsən Ruhani və digər şəxslərin seçkilər zamanı valideynlərinin həbsdə azadlığa buraxılmasına yardım edəckləri ilə bağlı verdikləri vədləri unutduqlarına görə dolayısı ilə tənqid edilib: “Biz 6 ildir əsarətdə saxlanılan valideynlərimizlə gah xəstəxanalarda, gah da onların həbsinə nəzarət edən məmurların təhqir və iftira dolu rəftarı və hüzurunda görüşürük. Belə olan halda, həm də xalqın hüququnu müdafiə etməkdən başqa günahı olmayan valideynlərimizə qarşı mediada yalan və nifrət dolu yazıların dərc olunmasının şahidi olmuşuq. Bütün bu təzyiqlərə baxmayaraq valideynlərimiz heç vaxt xalqdan üz döndərmədilər.

Lakin bütün bu müddətdə biz rəsmilərin valideynlərimizin durumuna və onların taleyinə biganə münasibət sərgiləməsinin, bu barədə hər hansı bir məsuliyyət daşımaqdan boyun qaçırmasının şahidi olmuşuq. Təəssüflər olsun ki, vaxtilə hökumət adamları valideynləruimizin üzərindən həbsin götürülməsi barədə verdikləri vədləri yerinə yetirmək əvəzinə susurlar”.

Həsən Ruhani son prezident seçkiləri zamanı seçicilərə söz vermişdi ki, o prezident seçilsə, Mirhüseyn Musəvi, xanımı zəhra Rəhnəvərd və Mehdi Kərrubinin ev dustaqlığından azadlığa buraxılmasına yardım edəcək.

Qeyd edək ki, İrandakı “yaşıl hərəkat”ın liderləri Mirhüseyn Musəvi, Zəhra Rəhnəvərd və Mehdi Kərrubi 2009-cu ildə ölkədə keçirilən prezident seçkilərinin rəsmi nəticələrinə qarşı kütləvi etirazlardan az sonra həbs edilib. Həmin vaxtdan onlar ev dustaqlığı şəraitində saxlanılır.

A.M

GUNAZ.TV

SON XƏBƏRLƏR