“Çarəsizlikdən farsca yazıram, türkcə dastan yazmağın həsrətindəyəm”

SON XƏBƏRLƏR

“Çarəsizlikdən farsca yazıram, türkcə dastan yazmağın həsrətindəyəm” – Məşhur azərbaycanlı yazıçı

2021.10.20, 07:36

Gunaz.tv

GünAz TV: Məşhur azərbaycanlı yazıçı Fəriba Vəfi türkcə əsər yazmağın həsrətində olduğunu və məcburiyyət qarşılığında farsca yazdığını bildirib.

Qısa hekayə və roman yazan məşhur azərbaycanlı yazıçı Təbrizin “Kitab şəhəri”ndə bir qrup ədəbiyyatsevər soydaşımızla söhbətdə türk dilinə olan rəğbətindən danışıb.

“Dastan yazmaq istedadımı inkişaf etdirmək üçün Tehranda məskunlaşmağa qərar verdim və peşə fəaliyyətimdə uğur qazanmaq üçün fars dilini seçməyə məcbur oldum. Lakin öz ana dilimdə bir əsər yazmağın həsrətindəyəm və həyatımda belə bir hadisənin baş verəcəyinə ümid edirəm”- deyə F.Vəfi bildirib.

Yazıçı əlavə edib ki, “Təbrizdə yaşadığım illər rahat keçməyib, buna baxmayaraq keçmişimi unuda bilmirəm, hətta onu sevirəm. Yaradıcılıq işlərimdə nə əldə etmişəmsə, onu Təbrizə, onun insanları, meydan, küçə və məhəllələrinə borcluyam. Mənim ilham mənbəyim hər zaman bu coğrafiya və onun insanları olub”

F.Vəfi 1962-ci ildə Təbrizdə doğulub. O, 11 cild qısa hekayə və roman kitabının müəllifidir. Yazıçının “Mənim quşum” və “Tibet röyası” əsərləri İranın bir neçə mötəbər ədəbi mükafatına layiq görülüb. Azərbaycanlı yazıçının bir neçə hekayə əsəri italyan, anadolu türkcəsi, alman, norveç, fransız, rus, isveç, ərəb, yapon və ingilis dillərinə tərcümə olunub.

N.S

GUNAZ.TV

SON XƏBƏRLƏR