İranla Türkiyə səhədində atışma olub. 1 İran sərhədçisi ölüb, 3-ü yaralanıb. Çavuşoğlu iranlı həmkarına başsağlığı verib

SON XƏBƏRLƏR

İranla Türkiyə səhədində atışma olub. 1 İran sərhədçisi ölüb, 3-ü yaralanıb. Çavuşoğlu iranlı həmkarına başsağlığı verib

2021.10.20, 07:36

Gunaz.tv

GünAzTV: Dekabrın 4-ü axşam saat 16:30 radələrində İranın Qərbi Azərbaycan əyalətinin Maku şəhərində, Türkiyə sərhədinə yaxın Boralan məntəqəsində baş verən atışmada 1 İran sərhədçisi ölüb, 3-ü ağır yaralanıb.

Bu barədə Maku fərmandarı Şahin Əlizadə hadisədən az sonra jurnalistlərə açıqlamasında məlumat verib. O bildirib ki, hadisədə xəsarət alanlardan 1-i sərhədçi, 2-si isə sərhədyanı su hövzələrindəki vəziyyəti araşdırmaq üçün bölgəyə getmiş İranın Su Təşkilatının mütəxəssisləridir.

Maku fərmandarı Şahin Əlizadə

Qərbi Azərbaycanın valisi Məhəmməd Mehdi Şəhriyari isə sərhəddə baş verən insidentlə bağlı jurnalistlərə bildirib ki, atışmada yaralananlardan 2-si Türkiyənin Qars əyalətinin xəstəxanasına aparılıb: “Türkiyədəki səfirliyimiz Qars ostandarı Rəhmi Doğanla əlaqə saxlayaraq məsələnin həssaslığına toxunaraq vətəndaşlarımızın səhhəti ilə maraqlanıb. Rəhmi Doğan isə yaralıları daşıyan helikopterin artıq Qarsda yerə endiyini və onların xəstəxanaya köçürüldüyünü bildirib. O, yaralılara tibbi yardım göstərmək üçün xəstəxananın bütün əməliyyat otaqları və cərrahlarının səfərbər edildiyindən xəbər verib”.

Qərbi Azərbaycan əyalətinin valisi Məhəmməd Mehdi Şəhriyari

İranın Xarici İşlər Nazirliyinin sözçüsü Bəhram Qasimi isə sərhəddə baş verən olayla bağlı jurnalistlərə açıqlamasında bildirib ki, Türkiyənin xarici işlər naziri Mövlud Çavuşoğlu hazırda Moskvada səfərdə olan iranlı həmkarı Məhəmmədcavad Zərifə zəng vuraraq ona başsağlığı verərib. Telefon danışığında Çavuşğlu bildirib ki, hadisəyə səbəb PKK terrorçuları olub. Çavuşoğlu hadisənin səbəblərini ciddi şəkildə araşdıracaqlarını və nəticəni İran rəsmilərinə bildirəcəklərinə söz verib”.

İran Xarici İşlər Nazirliyinin sözçüsü Bəhram Qasimi

Atışmanın necə baş verdiyini açıqlamayan Bəhram Qasimi deyib ki, İran Xarici İşlər Nazirliyi iki ölkənin sərhədində baş verən insidentin səbəblərini araşdırır.

A.M

GUNAZ.TV

SON XƏBƏRLƏR