“Urmu gölü Yaponiyanın maliyyə dəstəyi ilə bərpa olunur”

SON XƏBƏRLƏR

“Urmu gölü Yaponiyanın maliyyə dəstəyi ilə bərpa olunur” – FAO

2021.10.20, 07:36

Gunaz.tv

GünAz TV: Urmu gölü su hövzəsində su mənbələrinin davamlı idarəçiliyi proqramı Yaponiya dövlətinin maliyyə dəstəyi və Urmu Gölünü Canlandırma Mərkəzinin əməkdaşlığı ilə icra olunur.

Bu barədə BMT-nin Ərzaq və Kənd Təsərrüfatı Təşkilatı (FAO) rəsmi açıqlama yayıb.

Beynəlxalq təşkilat yanvarın 31-də Urmu gölünün canlandırılması layihəsi, İranda su qıtlığı və davamlı əkinçiliklə bağlı məsələlərin ictimai-ekoloji sahənin beynəlxalq mütəxəssisləri tərəfindən müzakirə oldunduğunu bildirib. Məqsəd, Urmu gölünün su hövzəsində su qıtlığı probleminin səbəblərini araşdırıb və kəşf etməyə zəmin yaratmaq olub.

BMT-nin Ərzaq və Kənd Təsərrüfatı Təşkilatının açıqlamasına görə, ictimai-ekoloji amillərlə davamlı əkinçilik və torpaqdan istifadənin əlaqələri, beynəlxalq mütəxəssislərdən ibarət qrupun müzakirə mövzusu olub.

Tədbirin təşkilatçısı FAO rəsmisi Əziz Əlbəhri BMT-nin Ərzaq və Kənd Təsərrüfatı Təşkilatının üzərinə götürdüyü görəvə işarə edərək qeyd edib ki, Urmu gölünün canlandırılması üçün birgə fəaliyyət planının hazırlanması vacib məsələdir. Onun sözlərinə görə, suyun istehlakı və əldə olunması, torpaqdan necə istifadə etmək, əkilən məhsulların düzgün seçilməsi, qida məhsullarının istehsalı və bazarı və s. kimi məsələlərə bir-biri ilə əlaqəli şəkildə baxılmalıdır.

Urmu gölünü canlandırılması proqramları ilə əlaqədar beynəlxalq əməkdaşlıqlar işləri üzrə məsul şəxs Hüseyn Şəhbazi tədbir zamanı gölün bərpası ilə bağlı nəzərdə tutulan proqramlar və qarşıdakı problemlərlə əlaqədar beynəlxalq mütəxəssislərə raport təqdim etdiyini bildirib.

Tədbir iştirakçıları Urmu gölünün canlandırılması prosesində ictimai-ekoloji amillərin düzgün istiqamətə yönəldilməsi istiqamətində yaxın gələcəkdə daha çox təkliflər irəli sürəcəkləri barədə razılığa gəliblər.

BMT-nin Ərzaq və Kənd Təsərrüfatı Təşkilatı (FAO) 1945-ci ildə quruma üzv olan 44 ölkə tərəfindən yaradılıb. Təşkilatın vəzifəsi əhalinin kənd təsərrüfatı məhsulları ilə təminatını yaxşılaşdırmaq məqsədilə fərdi və kollektiv fəaliyyətlər aparmaq və həmçinin kənd təsərrüfatının inkişafı məsələləri üzrə hökumətlərarası təşkilatların işlərini əlaqələndirməkdir. FAO milli və beynəlxalq miqyaslı tədbirlərdə iştirak edir.

N.S

GUNAZ.TV

SON XƏBƏRLƏR