Contact Us

SON XƏBƏRLƏR

İran hərbçiləri müharibə təhlükəsindən danışırlar

2021.10.20, 07:36
İran hərbçiləri müharibə təhlükəsindən danışırlar

Gunaz.tv

GünAz TV: İranın nüvə proqramıyla bağlı yaranmış problem ətrafında gərginlik davam edir. Tehran rejiminin nüvə fəaliyyətlərini dayandırmayacağı təqdirdə Qərb ölkələrinin hərbi müdaxiləsinə məruz qalacağı ethimalı artıb.

 

İranın ali dini lideri ayətullah Əli Xamneyinin hərbi müşaviri Yəhya Rəhim Səfəvi jurnalistlərə açıqlamasında ölkəsinə qarşı mümkün hərbi hücum variantına (seçənək) toxunub.

 

“Mignews” xəbər saytının məlumatına görə, Səfəvi bildirib ki, İran İsrailin bütün hərbi təlimlərini nəzarətdə saxlayır: “İsrailin bütün hərəkətləri və onun bölgədə ayrı-ayrı ölkələrlə birgə keçirdiyi hərbi təlimlər haqda yetərli məlumatımız var. Bizim informasiya toplamaq sahəsində güclü sistemimiz var. Bu gün həm sionist rejimin, həm də ABŞ-ın (Amerika Birləşmiş Ştatları) vəziyyəti elədir ki, onlar hərbi hücuma keçə bilməzlər. Lakin biz İranın hərbi qüvvələri olaraq ən pis ssenariləri fikirləşirik”. Xamneyinin müşaviri İsraili hədələməyi unutmayıb. O, Təl-Əvivin müharibə variantını işə salacağı təqdirdə həm Livanın (Lübnan) cənubunun, həm də “Həmas” və İranın hədəfinə çevriləcəyini bildirib: “Bizim raketlər işğal olunmuş Fələstin ərazilərinin hər yerini hədəfə götürə bilir. Heç yer yoxdur ki, raketlərimiz oraya çata bilməsin. Sionist rejimi qorumaq üçün bu gün Türkiyədən tutmuş işğal olunmuş Fələstin ərazilərində, eləcə də İraq, Küveyt, Qətər, Bəhreyn və Birləşmiş Ərəb Əmirliklərində quraşdırılmış hava hücumundan müdafiə sistemləri bizim bütün raketlərimizi vurmağa, onun qarşısını almağa qadir deyil”.

SEÇİLMİŞ XƏBƏRLƏR

Çox oxunanlar