İranlı nazir: “İran və Ermənistan münasibətlərinə heç bir amil təsir göstərə bilməz”

SON XƏBƏRLƏR

İranlı nazir: “İran və Ermənistan münasibətlərinə heç bir amil təsir göstərə bilməz”

2021.10.20, 07:36

Gunaz.tv

GünAz TV: İran-Ermənistan münasibətləri daha da inkişaf etməkdədir.

İran rəsmisi Ermənistanı dost ölkə adlandırıb. "İran və Ermənistan arasındakı münasibətlər möhkəm və fərqlidir və heç bir amil bu münasibətlərə təsir göstərə bilməz", - bu sözləri İranın daxili işlər naziri Mustafa Məhəmməd Nəccar bu gün Ermənistana səfərindən öncə jurnalistlərə açıqlamasında deyib.

Bu barədə İranın Nazirlər Kabinetinin rəsmi xəbər saytı məlumat verir.

Nəccar iki ölkə arasında əlaqələrin davamlı və dostcasına olduğunu vurğulayıb və deyib ki, hər gün iki ölkə arasında münasibətlərin daha da inkişaf etməsinin şahidi oluruq.

Nazir iki ölkə arasında son illərdə iqtisadi sahədə əlaqələrin daha da inkişaf etdiyini vurğulayıb və bildirib ki, proqramlar hazırlamaqla bu əlaqələri daha da inkişaf etdirmək olar.

Nəccar qeyd edib ki, İran bölgədə sabitlik və təhlükəsizliyin təmin olunmasının tərəfdarıdır və öz milli mənafeyini bölgədəki sabitlikdə axtarır.

"Heç vaxt qonşularımız arasında ixtilaf olmasını istəməmişik, ona görə ki, onlar arasında münasibətlərin normal olması bizim də xeyrimizədir", - İran rəsmisi bildirib.

Nəccar deyib ki, İran qonşu ölkələri bir-birinə yaxınlaşdırmaq üçün əlindən gələni etməyə və mövcud problemrlərin həllində yardımçı olmağa hazırdır.

"İran bölgə ölkələri arasında inteqrasiyanı (idğam, həmgərayi) və münaqişənin danışıqlar və qarşılıqlı anlaşma çərçivəsində həllini istəyir. İran Dağlıq Qarabağ münaqişəsinin iki ölkənin səyi nəticəsində qarşılıqlı anlaşma əsasında və digər ölkələrin müdaxiləsi olmadan həll edilməsinin tərəfdarıdır", - iranlı nazir əlavə edib. Trend

N.S

GUNAZ.TV

SON XƏBƏRLƏR