Contact Us

SON XƏBƏRLƏR

Yazıçı Rafiq Tağı vəfat etdi

2021.10.20, 07:36
Yazıçı Rafiq Tağı vəfat etdi

Gunaz.tv

GünAz TV: Bir neçə gün bundan əvvəl naməlum şəxslərin hücumuna məruz qalaraq bıçaqlanan yazıçı Rafiq Tağı bu gün saat 15: 30 radələrində dünyasını dəyişib.

Bu barədə ANS PRESS-ə yazıçının yerləşdirilidiyi Klinik Tibbi Mərkəzin baş həkimi Tərlan Bəbirov məlumat verib.

Həkimin sözlərinə görə, R. Tağının vəziyyəti normal olub. Lakin qəfildən vəziyyəti pisləşib. Hazırda meyit müayinə olunur.

 

Xatırladaq ki, noyabrın (November) 19-da axşam saatlarında tanınmış yazıçı Rafiq Tağı evinə gedərkən hücuma məruz qalıb. O, yaralı halda evinə gəlib və sonradan təcili yardım xidməti vasitəsi ilə xəstəxanaya aparılıb.

 

Faktla əlaqədar Xətai rayon (şəhər, məntəqə) Polis İdarəsinin İstintaq şöbəsində Azərbaycan Respublikası (Cümhuriyyət) Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb. İş üzrə polis və prokurorluq (dadistani) orqanlarının təcrübəli əməkdaşlarından ibarət əməliyyat-istintaq qrupu yaradılıb.

 

Cinayət işi istintaqın davam etdirilməsi üçün Baş Prokurorluğun Ağır cinayətlərə dair işlər üzrə istintaq idarəsinə göndərilmişdi. İşin istintaqı Daxili İşlər Nazirliyi və Baş Prokurorluğun rəhbərliyi tərəfindən xüsusi nəzarətə götürülməklə hazırda hadisəni törədən şəxsin müəyyən edilərək məsuliyyətə cəlb edilməsi istiqamətində təxirəsalınmaz istintaq və əməliyyat-axtarış tədbirləri davam etdirilir.

 

Palataya (xüsusi otaq) köçürülən Rafiq Tağı dünən ANS-ə müsahibəsində bildirmişdi ki, ona qarşı baş vermiş hücumun yazıları ilə bağlı olduğunu hesab edir. Yazıçı ehtimal edirdi ki, məhz İran və qloballaşma (kürəsəlləşmə) ilə bağlı yazısına görə bıçaqlana bilər.

 

Rafiq Tağı 2006-cı ildə isə işlədiyi “Sənət” qəzetində çap etdirdiyi “Avropa və biz” məqaləsinə görə həbs edilib. Dindarlar onun bu məqalədə Məhəmməd peyğəmbərin (S. Ə. S.) ünvanına xoşagəlməz ifadələr işlətməkdə günahlandırmışdı. Nəticədə Rafiq Tağı milli və dini düşmənçilik salma ittihamı ilə 3 il azadlıqdan məhrum edilib və 8 aydan sonra əfv olunub.

SEÇİLMİŞ XƏBƏRLƏR

Çox oxunanlar