Contact Us

SON XƏBƏRLƏR

BAXCP yeni bıçaqlanmış yazıçı Rafiq Tağı ilə bağlı bəyanat verdi

2021.10.20, 07:36
BAXCP yeni bıçaqlanmış yazıçı Rafiq Tağı ilə bağlı bəyanat verdi

Gunaz.tv

GünAz TV: Bu gün Bütöv Azərbaycan Xalq Cəbhəsi (BAXCP) İdarə Heyətinin növbəti toplantısı keçirilib.

Toplantıda qərarların icrası, ictimai-siyasi vəziyyət və cari məsələlər müzakirə olunub.

 

İdarə Heyətinin müzakirəsinə çıxarılan ilk məsələ yazıçı Rafiq Tağının bıçaqlanması faktı (əməl) ilə bağlı olub. BAXCP İdarə Heyəti Rafiq Tağını qətlə yetirmək üçün həyata keçirilən və onun ağır bədən xəsarəti almasıyla nəticələnən bıçaqlanma hadisəsinə münasibətini açıqlayıb.

 

BAXCP İdarə Heyəti vaxtilə İran ayətullahlarının Rafiq Tağı haqqında "ölüm fətvası" verdiyini, Nardaranda keçirilən mitinqlərdən birində dini-ekstrimist (radikal, ifrati) qrupların bu "fətva"nın yerinə yetiriləcəyi barədə fikirlər səsləndirdiklərini nəzərə alaraq hesab edir ki, Rafiq Tağıya qarşı törədilən ağır cinayət hadisəsi yazıçının İranın fars-molla rejimi ilə bağlı yazdığı məqalələrdən də qaynaqlana bilər. BAXCP-nin qənaətinə görə, bu ehtimal ən əsas fərziyyələrdən biridir: "BAXCP hesab edir ki, aparılan əməliyyət-istintaq tədbirləri nəticəsində baş verən hadisənin arxasında İranın dayandığı təsdiqlənərsə, Azərbaycan İrana qarşı ən kəskin sanksiyaların (təhrim) tətbiqilə bağlı BMT (Birləşmiş Millətlər Təşkilatı) Təhlükəsizlik Şurası qarşısında məsələ qaldırmalıdır".

 

Baş verən cinayəti qətiyyətlə pisləyən BAXCP İdarə Heyəti hüquq-mühafizə orqanlarını cinayətkarların tez bir zamanda tapılması və ədalət məhkəməsi qarşısına çıxarılması üçün təxirəsalınmaz tədbirlər görməyə çağırıb: "Cinayət hadisəsi ilə bağlı bütün mülahizələr, o cümlədən ayrı-ayrı qüvvələrin ölkədə təxribat törətmək cəhdləri də ciddi şəkildə araşdırılmalıdır. Əgər cinayətkarların isti izlərlə tapılması mümkün olmazsa, o zaman Azərbaycan hökuməti aparıcı Avropa dövlətlərinə, qardaş Türkiyəyə və Amerika Birləşmiş Ştatlarına müraciət ünvanlamalı, yüksək peşəkarlığı olan ekspertləri (karşünasları) cinayət işinin təhqiqatına cəlb etməlidir".

 

Qeyd edək ki, tanınmış yazıçı Rafiq Tağı noyabrın (November) 19-da paytaxtın Xətai prospektindəki (xiyaban) dayanacaqda naməlum şəxslər tərəfindən bıçaqlanıb. Ağır vəziyyətdə xəstəxanaya yerləşdirilən yazıçı əməliyyat olunub.

SEÇİLMİŞ XƏBƏRLƏR

Çox oxunanlar