Contact Us

SON XƏBƏRLƏR

Türkiyə ilk pilotsuz (xələbansız) təyyarəsini yaradıb

2021.10.20, 07:36
Türkiyə ilk pilotsuz (xələbansız) təyyarəsini yaradıb

Gunaz.tv

GünAz TV: 2010-cu ilin sonuna qədər Türkiyənin müdafiə sənayesi məhsullarının ixrac həcmi 1 milyard dollara çatıb. 2002-ci ildə isə bu rəqəm 247 milyon dollar təşkil edib.

"Trend"in "Anadolu" agentliyinə istinadən verdiyi məlumata görə, bu barədə jurnalistlərə nəqliyyat naziri Binəli Yıldırım deyib.

"3-4 il ərzində Türkiyə bu rəqəmi 5 milyarda çatdırmağı planlaşdırır (tərhini tökür) " - nazir deyib. Onun sözlərinə görə, yaxın zamanda Türkiyə pilotsuz (xələbansız) uçuş aparatlarının (dəstqah) istehsalı üzrə ABŞ (Amerika Birləşmiş Ştatları) və İsraildən sonra dünyada üçüncü yeri tutacaq. "Türkiyədə hərbi istehsalat (tolid) yaxşı inkişaf edib. Türkiyə özünün ilk ANKA pilotsuz təyyarəsini yaradıb. Bu, ölkənin hərbi istehsalatının imkanlarından xəbər verir" - nazir bildirib. Yıldırımın sözlərinə görə, Türkiyə özünün "Altay" tankının və "Atak" hərbi vertolyotunun (helikopter) istehsalına hazırlaşır. Bununla da, nazirin sözlərinə görə, yaxında Türkiyə hərbi texnikanın idxalını aşağı salacaq.

"Türkiyədə F-16 tipli hərbi təyyarələrin modernləşdirilməsi üzrə mərkəz də yaradılacaq. Bu mərkəzdə qonşu ölkələrin bu tipli təyyarələri modernləşdiriləcək" - nazir deyib.

Onun sözlərinə görə, 2002-ci ildə Türkiyə ölkənin Silahlı Qüvvələrinin tələbatını öz məhsulları hesabına 25 faiz təmin edirdisə, hazırda bu rəqəm 52 faizə çatıb.

Yıldırımın sözlərinə görə, Türkiyə müdafiə sənayesi məhsullarını Malayziya, BƏƏ (Birləşmiş Ərəb Əmirliyi), İordaniya, Koreya Cümhuriyyəti) və Niderlanda ixrac edir.

SEÇİLMİŞ XƏBƏRLƏR

Çox oxunanlar