Contact Us

SON XƏBƏRLƏR

Bu gün böyük öndər Atatürkün ölümündən 73 il keçir

2021.10.20, 07:36
Bu gün böyük öndər Atatürkün ölümündən 73 il keçir

Gunaz.tv

GünAz TV: Bu gün Türkiyə Cümhuriyyətinin qurucusu Mustafa Kamal Atatürkün vəfatının 73-cü ildönümüdür.

 

Atatürkün vəfatının ildönümü Türkiyədə anım tədbirləri ilə qeyd edilib. Ankaradakı anım mərasimi Anıtqəbirdəki törənlə başlayıb.

 

Bu gün Atatürk, Dil və Tarix Yüksək Qurumu tərəfindən keçiriləcək tədbirdə prezident Abdulla Gül və baş nazir Rəcəb Tayyib Ərdoğan da iştirak edəcək.

 

Mustafa Kamal Atatürk 1881-ci ildə Yunanıstanın Selanik şəhərində anadan olub. Osmanlı imperiyası dövründə yüksək rütbəli zabit (əfsər)  olan Mustafa Kamal 1919-cu ildə başlayan Milli Müqavimət Hərəkatına rəhbərlik edib, xarici təcavüzkarlarla apardığı müharibədə əhəmiyyətli uğurlara imza atıb, ölkəsinin iri şəhərlərini işğaldan xilas edib, müasir Türkiyə Cümhuriyyətinin sərhədlərini müəyyənləşdirib.

 

1921-ci ildə tarixli Sakarya döyüşündən sonra Mustafa Kamal "Qazi" ünvanını götürüb və marşallığa yüksəlibr. 1938-ci ildəki vəfatına qədər 4 dəfə prezident seçilən Atatürk bu vəzifəsni ən uzun müddət icra edən dövlət başçısı olub.

SEÇİLMİŞ XƏBƏRLƏR

Çox oxunanlar