Contact Us

SON XƏBƏRLƏR

İranın nüvə proqramı ilə bağlı açıqlanan hesabat, Qərb ölkələrini hərəkətə keçirdi

2021.10.20, 07:36
İranın nüvə proqramı ilə bağlı açıqlanan hesabat, Qərb ölkələrini hərəkətə keçirdi

Gunaz.tv

GünAz TV: Atom Enerjisi üzrə Beynəlxalq Agentlik (MAQATE) İranın nüvə proqramıyla bağlı növbəti hesabatını açıqlayıb.

 

Hesabatda qeyd olunur ki, İran 2003-cü ildən nüvə silahı yaratmaq işi aparır və hələ də bu çalışmaları davam etdirir. İran nüvə silahı əldə etməyə imkan verən bütün vasitələrə sahibdir, hətta nüvə silahının komponentlərini (əcza) sınaqdan keçirib.

 

“The Washington Post” qəzetinin yazdığına görə, hesabatı nəzərdən keçirən Qərb diplomatları və nüvə ekspertləri (karşünas) İranın xarici alimlərin yardımı ilə bu sahədə ciddi inkişaf əldə etdiyini bildirir. MAQATE-nin sabiq rəsmisi Devid Olbrayt İranın nüvə partlayışına yol aça biləcək kapsul dizayn etdiyini və onun sınağa hazır olduğunu söyləyib.

 

MAQATE-nin hesabatı ABŞ (Amerika Birləşmiş Ştatları) başda olmaqla dünyanın bir çox ölkəsinin ciddi narahatlığına səbəb olub. Hesabatın açıqlamasından sonra ABŞ-ın İrana qarşı yeni sanksiyalar (təhrim) tətbiq etməyə hazırlaşdığına dair məlumatlar yayılıb. Yeni sanksiyaların İran bankları və aparıcı şirkətlərinə qarşı tətbiq olunacağı ehtimal edilir.

 

Fransanın xarici işlər naziri Alan Jüpe hesabata münasibət bildirərkən sənədin BMT (Birləşmiş Millətlər Təşkilatı) Təhlükəsizlik Şurasında müzakirəyə çıxarılmalı olduğunu söyləyib. Nazirin sözlərinə görə, BMT TŞ-nin (Təhlükəsizlik Şurasi) təcili toplantısı keçirilməli və İrana qarşı görünməmiş miqyasda sanksiyalar tətbiq olunmalıdır. Fransanın müdafiə naziri Jerard Lonqun fikrincə, İranın cəzalandırılması üçün hərbi güc variantı (seçənək) istisna olunmalı və Tehrana yönəlik qadağalar ağırlaşdırılmalıdır.

 

İran prezidenti Mahmud Əhmədinejad MAQATE-nin hesabatını sərt tənqid edib. O, təşkilatı ABŞ-ın absurd (puç, boş)  iddialarına əsaslanan sənəd hazırlamaqda günahlandırıb. Prezident bildirib ki, MAQATE-nin son hesabatı təşkilata olan inamı azaldacaq. Tehranın nüvə silahı əldə etmək iddialarının dünyada yalnış təqdim olunduğunu söyləyən Əhmədinejad İranın hazırkı mövqeyindən bir addım da geri atmayacağını bildirib. Əhmədinejad ölkəsinin nüvə silahını dinc məqsədlərlə istehsal etdiyini bir daha xatırladıb.

 

İranın nüvə silahını hərbi məqsədlər üçün əldə etmək niyyəti daşımadığını vurğulayan Əhmədinejad Qərb ölkələrinə sələnib: “İran xalqı ağıllıdır. Sizin 20 min nüvə bombanıza qarşı 2 atom bombası istehsal etməz” deyib.

SEÇİLMİŞ XƏBƏRLƏR

Çox oxunanlar