«Əl-Qüds ordusu» Azərbaycanda təşkilatlanır

SON XƏBƏRLƏR

«Əl-Qüds ordusu» Azərbaycanda təşkilatlanır

2021.10.20, 07:36

Gunaz.tv

GünAz TV: Təhlükəsizlik məsələləri üzrə ekspert (karşünas) Sülhəddin Əkbərin bildirir ki, “Azərbaycanda bu qrupların fəaliyyət göstərməsi potensial təhlükədir”.

ABŞ-da (Amerika Birləşmiş Ştatları) Nümayəndələr Palatası (məclis), Milli Təhlükəsizlik üzrə Alt Komitə, terrorizmə qarşı mübarizə və kəşfiyyat proqramı, Nəzarət, Araşdırmalar və İdarəetmə üzrə Alt Komitəsinin keçirdiyi birgə dinləmələr zamanı İranın xarici siyasət aləti kimi terrorizmdən istifadə edilməsi mövzusu müzakirə olunub. Müzakirə zamanı “Hizbullah” yaraqlılarının İsrailin marağında olan bir sıra obyektə (təsisat, əmakin) hücumuna diqqət yönəldilib.

Qeyd olunub ki, son illər onlar Azərbaycan, Türkiyə və Misirədək nəhəng məkanda fəaliyyət göstərirlər. İran yaraqlılarının terror əməliyyatları “Əl-Qüds ordusu” təşkilatının üzvləri ilə birgə həyata keçirilir. Məlum olub ki, “Əl-Qüds ordusu” xaricdə, ilk növbədə Azərbaycanda və Türkiyədə bir neçə uğursuz cəhd həyata keçirib. İranın Azərbaycanda bu kimi addımları başqa hansı ağır nəticələrə səbəb ola bilər?

Xatırladaq ki, “Əl-Qüds ordusu” “Fələstin islam cihadı” təşkilatının hərbi qanadıdı. Əsas məqsədi cihad yolu ilə İsrailin məhvinə nail olmaqdı. Qərb dünyası ilə əlaqələri olan ərəb ölkələrinə mənfi münasibət bəsləyən bu təşkilatı ABŞ, Avropa İttifaqı, həmçinin dünyanın bir çox dövlətləri terror təşkilatı kimi tanıyıb.

Lakin bu təşkilat barədə fərqli məlumatlar da var. Məsələ ilə bağlı fikirlərini bildirən təhlükəsizlik məsələləri üzrə ekspert (karşünas) Sülhəddin Əkbərin sözlərinə görə, “Əl-Qüds ordusu” İran İslam İnqilabçıları Keşikçilərinə (SEPAH) tabedi. Bu qurumun rəhbəri isə öz növbəsində İranın ali dini rəhbərinə tabedi.

GünAz TV mətbuat mərkəzinin “Azadlıq qəzeti”nə istinadən yaydığı məlumata görə, Ekspert “Əl-Qüds ordusu”nun Azərbaycanda təşkilatlanması barədə məlumatların yeni olmadığını deyir. Azərbaycan xüsusi xidmət orqanlarında bu barədə kifayət qədər məlumatlar vardı: “Bu, İranın ən təhlükəli hərbi qruplaşmalarından biridi. Eyni zamanda digər hərbi qruplaşmalarından xeyli təminatlıdı. Ümumiyyətlə, İslam İnqilabı Keşikçiləri Korpusu bir çox parametrlərinə görə İranın ordusundan daha güclüdü. Bu baxımdan Azərbaycanda bu qrupların fəaliyyət göstərməsi potensial təhlükədir”.

Ekspertin sözlərinə görə, araşdırmalar göstərir ki, ən aqressiv (mühacim, saldırqan) fəaliyyət göstərən, xüsusən də məxfi əməkdaşlığa cəlb etmək işi aparan məhz bu qruplaşmadır.

GUNAZ.TV

SON XƏBƏRLƏR