Doktor Metyu Levit Amerikanın İranla bağlı bir neçə addım atmasını vacib hesab edir

SON XƏBƏRLƏR

Doktor Metyu Levit Amerikanın İranla bağlı bir neçə addım atmasını vacib hesab edir

2021.10.20, 07:36

Gunaz.tv

GünAz TV: ABŞ-da (Amerika Birləşmiş Ştatları) yüksək səviyyəli müzakirə keçirildi; hökumətə plan (tərh) təqdim olundu.

Yaxın Şərq Siyasəti İnstitutunun terrorizmə qarşı mübarizə və kəşfiyyat proqramının direktoru doktor Metyu Levit “İran əməliyyatları: Amerika torpağında terror” mövzusunda məruzə ilə çıxış edib.

Çıxış ABŞ Nümayəndələr Palatası (məclis), Milli Təhlükəsizlik üzrə Alt Komitə, terrorizmə qarşı mübarizə və kəşfiyyat proqramı, Nəzarət, Araşdırmalar və İdarəetmə üzrə Alt Komitənin birgə dinləmələri zamanı olub.

İranın xarici siyasət aləti kimi terrorizmdən istifadə etməsindən danışan Levit konqresmenlərin diqqətini “Hizbullah” yaraqlılarının İsrailin marağında olan bir sıra obyektə (təsisat, məkan və...) hücumuna yönəldib. “Son illər onlar Azərbaycan, Türkiyə və Misirədək nəhəng məkanda fəaliyyət göstərirlər. İran yaraqlılarının (silahlı) terror əməliyyatları “Əl-Qüds ordusu” təşkilatının üzvləri ilə birgə həyata keçirilir. “Əl-Qüds ordusu” xaricdə, ilk növbədə Azərbaycanda və Türkiyədə bir neçə uğursuz cəhd həyata keçirib. Onun Hizbollah ilə əməkdaşlığı belə düşünməyə əsas verir ki, qrupun imkanları və təcrübəsi yoxdur” - deyə məruzəçi bildirib.

“Turan”ın Vaşinqton müxbiri məlumat verir ki, doktor Levit daha sonra ABŞ-ın İranla bağlı bir necə addım atmasının vacibliyini qeyd edib:

- Tehranla əməkdaşlığı (işgüzar münasibətlər də daxil olmaqal), iranlı rəsmi şəxslərin səfərlərini, bu və ya digər ölkədə fəaliyyət göstərən iranlı diplomatların fəaliyyətini məhdudlaşdırmaq məqsədilə müttəfiqlərə təzyiqlər;

- İranı pisləmək məqsədilə Körfəz ölkələri əməkdaşlıq Şurası, Ərəb Ölkələri Liqası (ərəb ittihadiyyəsi) və digər regional (bölgəsəl) orqanlara təzyiqlər;

- İran öz beynəlxalq öhdəliklərini kobud şəkildə pozmağa son qoymayana qədər bu ölkənin beynəlxalq təşkilatlarda iştirakının dayandırılması məqsədilə beynəlxalq konsensusun (beynəlxalq imca) əldə olunması;

- Hərbi təzyiqlər;

- Gömrük nəzarəti;

- Maliyyə təzyiqi.

Qaynaq: Azadlıq qəzeti

GUNAZ.TV

SON XƏBƏRLƏR