Ayətullalar prezidentə savaş elan ediblər?

SON XƏBƏRLƏR

Ayətullalar prezidentə savaş elan ediblər?

2021.10.20, 07:36

Gunaz.tv

GünAz TV: İranın dini liderləri ilə prezident Mahmud Əhmədinejad arasındakı qarşıdurma gün keçdikcə daha da şiddətlənir.

290 yerlik İran parlamentində yetərsay üçün gərəkli 74 imzanı toplayan deputatlar (millət vəkilləri) ölkə prezidenti Mahmud Əhmədinejadı parlamentə çağırıblar. Onlar ölkənin ən böyük maliyyə qalmaqalı - dövlət büdcəsindən 2,6 milyard dollarlıq vəsaitin (büdcə) fırıldaqla mənimsənilməsi işi ilə bağlı prezidentin hesabat verməsini istəyirlər. Bu barədə Milli.Az xəbər portalı "The Guardian"a istinadən xəbər yayıb.

İranda 1979-cu ildəki İslam İnqilabından üzübəri ilk dəfədir ki, prezident parlament qarşısında hesabat verəcək. Ölkə qanunvericiliyinə görə, Mahmud Əhmədinejad İran parlamentinin büdcə xərclərinə nəzarət komissiyasının (komisiyon) qapalı iclasında deputatların suallarını cavablamalıdır.

Saxta sənədlər vasitəsilə dövlət bankından 2,6 milyard dollarlıq vəsaitin çıxarılması ilə bağlı fırıldaqda İran prezidentinin qudası və sağ əli İsfəndiyar Rəhim Meşainin adı hallanır. Həmin pulların bir qisminin İrandakı son prezident seçkiləri ərəfəsində Mahmud Əhmədinejadın təbliğat kampaniyasına xərcləndiyi vurğulanır.

İranın dini lideri ayətulla Əli Xamneyi bu fırıldaqdan danışarkən M.Əhmədinejadın işlərdə əli ola biləcəyinə işarə etmişdi.

Ayətulla Xamneyi ilə prezidentin münasibətlərinin sərinləşməsi isə M.Əhmədinejadın ayətullalardan "müstəqil" siyasət yürütməyə çalışmasıdır.

Ayətullalarla prezident arasındakı qarşıdurma isə bu ilin əvvəlində Mahmud Əhmədinejadın ölkənin dini lideri ayətulla Xamneyinin göstərişini gözləmədən təhlükəsizlik naziri Heydər Moslehini vəzifəsindən azad etməsindən sonra başlanıb.

2,6 milyard dollarlıq qalmaqalla bağlı İran prezidentinin yaxın adamı, İran Mərkəzi Bankının sədrinin müavini Seyid Həmidpur Məhəmmədi həbs olunub.

GUNAZ.TV

SON XƏBƏRLƏR