Səudiyyə Ərəbistanının narici işlər naziri: "İrana layiqli cavab veriləcək"

SON XƏBƏRLƏR

Səudiyyə Ərəbistanının narici işlər naziri: "İrana layiqli cavab veriləcək"

2021.10.20, 07:36

Gunaz.tv

GünAz TV: Avstriyada (Otrişdə) rəsmi səfərdə olan Səudiyyə Ərəbistanı Krallığının (padşahlıq) xarici işlər naziri bundan sonra İranın istənilən hədəsinin layiqli cavabını alacağını bəyan edib.

Bir neçə gün əvvəl ABŞ (Amerika Birləşmiş Ştatları) hökumətinin İranın kəşfiyyat orqanı tərəfindən təşkil olunduğu iddia edilən suiqəsdin üstünü açması ilə ölkələr arasında ikitərəfli münasibətlər xeyli pisləşib. Suiqəsdə əsasən ikili vətəndaşlığı olan və İran kəşfiyyatına işləyən şəxs Krallığın ABŞ-dakı səfirliyində partlayış törətməli idi.

“Onlara elə gəlir ki, qətllər və xaosla ölkənin siyasi kursuna təsir edə biləcəklər. Biz belə təzyiqlərə boyun əyməyəcəyik. Onlar bizə qarşı atacaqları istənilən addıma görə cavab verməli olacaqlar”, deyə Səudiyyə Ərəbistanı Krallığının xarici işlər naziri şahzadə Saud Əl Fəysəl bildirib.

Krallığın xarici işlər naziri Saud Əl Fəysəl Vyanada Beynəlxalq Dinlər və mədəniyyətlər arası dialoq Mərkəzinin təntənəli açılış mərasimində iştirak edib. Kral Abdulla bin Əbdüləzizin adını daşıyacaq və Krallığın vəsaiti hesabına tikilmiş konfrans binasının açılışına nazirin Avstriya və ispaniyalı həmkarları da qoşulub. Yeni qurumun idarə heyətinin 3 xristian(məsihi), 3 müsəlman, bir yəhudi, bir buddist və bir indusdan ibarət olacağı xəbər verilir.

Açılış mərasimində nazir Saud Əl Fəysəl bütün iştirakçıları dialoq, tolerantlıq (xoşgörülüq), müasirlik, əməkdaşlıq və sülh kimi dəyərlərin inkişafına dəstək olmağa çağırıb. Açılış mərasimində iştirak edən qonaqlar yeni qurumun təsis olunmasını təqdirəlayiq hal bilsələr də, bir çoxları ən qatı din yolu ilə gedən Səudiyyəlilərin belə təşkilat açmağa sadəcə haqqı olmadığını hesab edir.

Ən qatı radikal İslam məzhəblərindən olan Vəhabilik XVIII əsrdə məhz Səudiyyə Ərəbistanında yaranıb. Ölkədə bütün səviyyələrdə vəhabizmin hakim olması, maşın sürdüyünə görə belə qadınların cəzalandırılması ilə nəticələnir.

GUNAZ.TV

SON XƏBƏRLƏR