Contact Us

SON XƏBƏRLƏR

PKK terror təşkilatının iri bazası (payqahı) məhv edilib

2021.10.20, 07:36
PKK terror təşkilatının iri bazası (payqahı) məhv edilib

Gunaz.tv

GünAz TV: Oktyabrın (October) 10-da Türkiyənin təhlükəsizlik qüvvələri Hakkari əyalətində terrorçu Kürd Fəhlə Partiyasına (PKK) məxsus iri bazanın (payqahın) məhv edilməsi üzrə uğurlu əməliyyat həyata keçirib.

Bu barədə Trend "Milliyyət" qəzetinə istinadən xəbər verir.

Bazaya endirilən aviazərbələr (hava zərbələri) və yerüstü əməliyyatlar nəticəsində PKK yaraqlıları (silahlıları), eləcə də hərbi sursat, ərzaq ehtiyatları və tibbi ləvazimatlar məhv edilib.

Türkiyə son zamanlar terrorla aktiv mübarizəyə başlayıb.

Türkiyənin Hərbi Hava Qüvvələri İraqın şimalında kürd separatçılarının (bölücülərinin) mövqelərinə aviazərbələr endirir.

Türkiyə HHQ avqustun (August) 17-si axşam yaraqlıların Türkiyənin şimal-şərqində törətdikləri hücumdan sonra aviazərbələr endirib. Həmin hücum nəticəsində 9 türk hərbiçisi öldürülmüşdü. Bu, Türkiyənin bir ildən artıq müddət ərzində İraqın şimalına endirdiyi ilk zərbələrdir.

 

 Türkiyə ilə PKK arasında münaqişə 25 ildən artıqdır davam edir. Bu münaqişə 40 mindən artıq insanın həyatına son qoyub. PKK BMT (Birləşmiş Millətlər Təşkilatı), eləcə də Ankaranın tamhüquqlu üzv kimi daxil olmağa çalışdığı Aİ (Avropa İttifaqı) tərəfindən terror təşkilatı kimi tanınıb.

 

 Bundan əvvəl PKK yaraqlıları Türkiyə hakimiyyətini çoxillik kürd probleminin həlli ilə bağlı konkret (açıq, müşəxxəs) addımlar atılmayacağı təqdirdə silahlı qarşıdurmaların fəallaşacağı ilə hədələyib.

SEÇİLMİŞ XƏBƏRLƏR

Çox oxunanlar