İran Milli Bankının icraçı direktoru Mahmudrza Xavəri istefa verib

SON XƏBƏRLƏR

İran Milli Bankının icraçı direktoru Mahmudrza Xavəri istefa verib

2021.10.20, 07:36

Gunaz.tv

GünAz TV: Uzun müddət davam etmiş ardıcıl oğurluq nəticəsində ölkənin hökumət bankları sayılan “Saderat” bankından, İran Milli Bankından və daha bir neçə bankdan 3 milyard dollar mənimsənib.

Sentyabrın (September) 27-də İran Milli Bankının icraçı direktoru Mahmudrza Xavəri istefaya gedib.

GünAz TV mətbuat mərkəzinin “Media forum”a istinadən yaydığı məlumata görə, bu istefa İranın bank tarixindəki ən böyük oğurluğun üstü açılandan az sonraya təsadüf edir. Uzun müddət davam etmiş ardıcıl oğurluq nəticəsində ölkənin hökumət bankları sayılan “Saderat” bankından, İran Milli Bankından və daha bir neçə bankdan 3 milyard dollar mənimsənib.

Sentyabrın 19-da ölkənin baş prokuroru (dadistan-i koll) Qulamhüseyn Möhsüni Ejei hadisə ilə bağlı 19 nəfərin tutulduğunu söyləyib.

Saytlarda yayılan xəbərlərdə Mahmudrza Xavərinin İran Milli Bankının icraçı direktoru vəzifəsindən istefa verməsinin də 3 milyard dolların mənimsənməsi hadisəsi ilə bağlı olduğu bildirilir. Məlumatlarda iddia olunur ki, icraçı direktorun mənimsəmədə iştirakı olub və o, istefa verməyə məcbur edilib.

Hazırda Dünya Bankının növbəti iclasına qatılmaq üçün Vaşinqtonda olan İranın iqtisadiyyat nazirinin Mahmudrza Xavərinin istefa ərizəsini qəbul etdiyi deyilir.

GUNAZ.TV

SON XƏBƏRLƏR