GünAz TV: Oktyabrın (October)1-də Urmu gölünün qurumasına Tehranın laqeyd münasibəti etiraz olaraq, Güney Azərbaycanda aksiyaların (yürüşlərin) keçiriləcəyi gözlənilir.

Bunun bağlı bildiriş yayılıb:

-Urmiya gölünün quruması, ətraf mühitin məhv edilməsi, Azərbaycanın milli sərvətlərinin talanı siyasəti dayandırılsın;

-.Gölə tökülən çayların qarşısındakı sədlər açılsın;

-Qanunverici və icraedici qurumlardakı məsullar Azərbaycan türklərinə qarşı işlətdikləri ədəbsiz ifadələrə görə üzr istəsin;

-Etiraz aksiyası zamanı dinc yürüşçülərə güc tətbiq edilməsi əmrini verən məmurlar işdən azad olunsun və cinayət məsuliyyətinə cəlb edilsin;

-Azərbaycan şəhərlərində elan olunmamış komendant saatı ləğv edilsin, yerli əhaliyə qarşı zorakılıq tətbiq edən qüvvələr Azərbaycan bölgələrindən çıxarılsın;

-Milli haqlarının təminini istəyən Azərbaycan Milli Hərəkatanın təəssübkeşlərinə, ictimai-siyasi fəallara qarşı təzy iqlərə son qoyulsun, qanunsuz, özbaşına, əsassız həbsetmələr dayandırılsın, tutulan belə insanlar qeyd-şərtsiz azad edilsin;

-Azərbaycan türkcəsi bütün təhsil ocaqlarında (ilk, orta və ali məktəblərdə) tədris dili kimi rəsmi olaraq, tanınsın.Bundan başqa dövlət idarələrində, məhkəmə sistemində, kütləvi informasiya vasitələrində Azərbaycan türkcəsi rəsmi dil kimi işlədilsin.

Tehran hakimiyyəti Azərbaycan türklərinin bu haqlı tələbləri qarşılığında çeşidli vədlər  verib, təhlükəsizlik qurumları vasitəsi ilə basqıları artırır.

«İRNA»-nın məlumatına əsasən, neft məhsullarının Urmiya bölgəsində paylanması üzrə uyğun şirkətin direktoru Ələsgər Tofiqi bildirib ki, 2012-ci il martın 20-dək orada 120 milyonluq çeşidli neft məhsulları saxlanılacaq, anbar istismara veriləcək.

Direktorun sözlərinə görə, bu neft bazası Qərbi Azərbaycanın mərkəzi Urmiyadan 20 km aralıda, 50 hekart ərazidə tikiləcək.

Təbii ki, bununla hakimiyyət Güney Azərbaycana diqqət ayırdığını nümayiş etdirməyə səy göstərir.

Ötən günlər ərzində də Urmiya gölü ilə bağlı etiraz aksiyalarına qatılanlar ETTELLAAT-a çağırılır.

 Onların adları vaxtaşırı olaraq, informasiya vasitələrində açıqlanır. Milad Mülki Urmiya ETTELAAT idarəsinə çağırılıb.Onunla bərabər daha 8 azərbaycanlı ictimai fəal ifadə vermək üçün ETTELAAT-ın  Tikantəpə bölməsinin idarəsinə dəvət olunub. ETTELAAT-a çağırılanlardan Əli Hidayəti bir sutka saxlandıqdan sonra azadlığa buraxılsa da, fəal Ramin Rzayi 21 gündür ki, həbsdə saxlanır. İfadə vermək üçün ETTELAAT idarəsinə çağırılan azərbaycanlı fəalların konkret nədə günahlandırıldığı haqda məlumat yoxdur.

Qərbi Azərbaycan əyalətinin Salmas şəhərində qoanqlıqda olan 7 azərbaycanlı tutulub. Salmas hüquq mühafizə qüvvələri sentyabrın 25-də azərbaycanlı gənc qız və oğlanların axşam saatlarında qarışıq şəkildə keçirdiyi, musiqi və rəqsə yer verildiyi gecə qonaqlığına müdaxilə edərək, onlardan 7  nəfərini tutub bilinməz istiqamətə aparıblar.

Qeyd edək ki, Urmiya gölünün qurumasına etiraz aksiyası keçirən ən fəal şəhərlərdən biri də Salmas olub.

Yerli müşahidəçilərin fikrincə, hakimiyyətin çeşidli güc qurumları oktyabrın 1-də keçirilməsi planlaşdırılan etiraz aksiyasının qarşısını almaq məqsədi ilə bu sayaq qababqlayacı tədbirlər keçirir.

Sədrəddin Soltan