GünAz TV: Ötən gün bir acı xəbər bütün Azərbaycanı bürüdü. Cəfərzadə ailəsinin bütün üzvlərinin həlak olması ilə bağlı çeşidli ehtimallar irəli sürülür.

Ötən gün bir acı xəbər bütün Azərbaycanı bürüdü.Güney Azərbaycan türklərinin Milli haqları uğurunda mübarizə aparan, ziyalı İbrahim Cəfərzadə xanımı və az yaşlı qızı Aylinlə birlikdə Azərbaycanın Xoy şəhəri ətrafında yol qəzasına «düşərək», həlak olub. Bu ailənin bütün üzvlərinin həlak olması ilə bağlı çeşidli ehtimallar irəli sürülür.Bu da səbəbsiz deyil. Çünki İbarhim Cəfərzadə Azərbaycan türklərinin  milli varlığı uğrunda mücadilə aparanların həmişə önündə olub. O, «Evrin» adlı Cəmiyyətin qurucularından idi.

Bu itgi ilə bağlı  onun yaxınlarına və millətimizə baş sağılığ veririk.

Hakimiyyəti onun dəfninə də əngəlləməyə çalışıb. Yas ərasimində tutulanların bəzilərinin adını diqqətinizə çatdırırıq: Şirzad Hacılı- Xoy şəhərindən olan tanınmış Azərbaycan milli fəal və İbrahım Cəfərzadənin yaxın dostu,.Vəli Zöhrabi(Oxtay),Həmid Nadarlı- Şəbüstər şəhərindən,həbsdən yenicə buraxılıb, Sadıq Əvəzpur- hazırda Təbriz zindanında dustaq olan Mustafa Əvəzprurun atası, Nasir Mustafapur, Kiyab Peyğami- Muğan mahalından, həbsdən yenicə buraxılıb, Vəhid Faizpur- Urmiyadan,həbsdən yenicə buraxılıb, Əhməd Nəsirzadə,Behnam Hacızadə, Abdulla Şəfai, Hüseyn Zəfərxah, Məhəmmdə Biğəm,Behzad Hacılı, Əli Məhəmməd Əlili, Behnam Moheb Əlili, Atilla Seyfi, Zeynal Qasimi, Nicat Rzalək, Məhəmməd Vəhdətfər, Məhəmməd Əlili,Əli Rzayı- Qoşaçaydan ictimai fəal, Cavad Sərvnaz- Xiyavdan(Meşginşəhr) olan ictimai fəal,Əli Mehdizadə - Təbrizdən olan ictimai fəal, Məhəmməd Əhədi- Miyanadan,ictimai fəal,Əfşin Şəhbazi- Muğandan ola, ictimai fəal,  Musa Seyfi.

GünAzTV-nin məlumatına əsasən, mərasimdə tutlanların sayı 50 nəfərdən çoxdur.

Baş verən bu müəmmalı avtomobilə qəzası yada 2008-ci ilin oktyarbrında baş vermiş oxşar olyayı saldı.Həmin vaxt Güney Azərbaycanda tanınmış ziyalı Qulamrza Əmani qardaşları Kərim və Cəfərlə birlikdə şəxsi avtomobillərində Təbriz-Əhər yolunda İran İslam İnqilab Keşikçiləri Qvardiyasına (Sepah) məxsus yük maşını tərəfindən qəzaya uğradılmışdılar.Onda şahidlə bilrmişdi ki, hadisədən sonra Əmani ağır yaralı olub. O, 4,5 saat hadisə yerində qalıb. Təbrizdəki İmam Rza adına xəstəxananın məlumatına əsasən, Q.Əmani qan axmasından həlak olub. Bundan başqa yerli şahidlərin verdiyi məlumata görə, ETTELAAT məmurları cərahiyyə otağına daxil olaraq, onun müalicə edilməsinə əngəl törətmişdilər.

Hələ 2006-cı ildə Qulamrza Əmani ETTELLAAT-a aparılanda oardakı müstəntiq onu ölümlə hədələyərək, demişdi : «Əmin ol. Azərbaycanda dəyişiklik olsa da sən onu heç vaxt görməyəcəksən» .

Azərbaycanın hər yerindən, eləcə də İranının ayrı-ayrı şəhərlərindən Əmani qardaşları ilə vidalaşmaqdan ötrü minlərlə insan axışmışdı. İslam Respublikasının rəhbərliyi vəziyyətə nəzarət etmək üçün mülki geyimli məmurlarından da yararlanaraq, mərasimin  genişlənməsinin qarşısını almışdı. Yasda tutulanlar da olmuşdu.

Hakimiyyətin rəsmi informasiya vasitələrindən biri,  Təbrizdəki teleradio vasitəsi ilə hadisənin «bir avtomobil qəzası, faciəli olduğunu» bildirilmişdi.

Qulamrza, Kərim və Cəfər Əmani qardaşları Təbrizin Maralan məhəlləsindəki qəbristanlıqda dəfn olundular.

Hakimiyyətin çeşidli təzyiqləri və nəzarətietmə tədbirlərinə baxmayaraq, mərasim iştirakçıları «Azərbaycan, başın sağ olsun! Əmani, yolunu davam edəcəyik!» şüarları səsləndiriblər.

Yada salaq ki, Azərbaycan türklərinin milli haqları uğrunda mübarizə aparanlara qarşı Tehran hakimiyyəti həbsetmə, çeşidli təzyiq üsullarından istifadə etməklə yanaşı, belə insanları oğrulayıb, öldürməkdən də çəkinmir.

2008-ci ildə baş verən belə olayları xatırlamaq istərdik.

Xosrov Ürfan Şahı iş yerində işgəncə ilə öldürülüb.

Qadir  Sədiqini ETTELLAT-ın xüsusi adamları maşınla vurub, hadisə yerindən qaçımışlar.

Fərhad Möhsüninin  cəsədi Təbrizin Şahgölü adlı parkından tapılıb.  Şahidlərin dediyinə görə, onun cəsədində güllə yaraları aşkarlanıb. Bu isə o deməkdir ki, bu azərbaycanlı gənci güllələyərək, qətlə yetiriblər. Ailəsi isə onu bir müddət idi ki, axtarırmış.

25 yaşlı Fərhad Mösüni 2006-cı ilin məlum may etiraz aksiyalarının (yürüşlərinin) ilödönümü ərəfəsində İranın Milli Təhlükəsizlik Nazirliyi tərəfindən oğurlanmışdı. Yayılmış məlumatlara əsasən o, 2006-cı il mayın 22-də isə Təbizdə keçirilən etiraz aksiyası zamanı polislərin açıdığı ətəşdən güllə yarası almış və tutulmuşdu. Vəkilin iştirakı olmadan keçirilən qapalı məhkəmədə mühakimə olunmuşdu.

Onda  Fərhad Möhsüninin valideynlərini hədəlyərək, demişdilər : «Onun həbsdə olması barəsində məlumat yaymayın. Əks halda Fərhad Möhsüni ilə yanaşı sizdə cəzalanacaqsınız».

İranın rəsmi xəbər agentliyi, İRNA Şərqi Azərbaycanın polis rəisi Fərhad Mösüninin qətli ilə bağlı açıqlamasını yaymışdı : «20 gün öncə 23 yaşlı Fərhad Mösüni dostları ilə gəzməyə çıxıb. Bundan sonra o, izsiz yoxa çıxıb. Cəsəd Elöğlündə tapılıb, məhkəmə tibbi-ekspertizası (həkim müayinəsi) tibbi müayinədən keçirərkən, onun bədənində döyülmə, və zədə halları müşaihidə ediblər. Bu araşdırmadan sonra müəyyən olunub ki,  onun psixotrop (rəvangərdan) maddə qəbul etdiyi aşkarlanıb. Son nəticəyə görə, Fərhad Mösüni qəbul etdiyi həblərin nəticəsində özünü suda boğub».

2006-cı ilin may etiraz aksiyalarında həbs olunmuş Səttar Səliminin də saxlanıldığı yeri polis və ETTELAAT-ın yerli idarələri validyenlərindən gizli saxlamışdılar. Həmin il o, həbsdə olduğu iki ay ərzində ağır işgəncələrə məruz qalmış sonra isə qətlə yetirilmişdi. Onda hakimiyyət təmsilçiləri S.Səliminin cənazəsini ata-anasına təhvil verəndə ölmün səbəbini də təxminən oxşar fikir söyləmişlər : «Səttar Səlimi zindandan qaçıb, Arazdan keçərkən, boğulub».

Amma ölkənin çağdaş tarixində İran həbsxanasından kiminsə qaçmasına dair fakt bəlli deyil.

Onu da xatırladaq ki, Azərbaycanın məşhur yazıçısı Səməd Behrəngi də şahın zamanında Arazda «boğulmuşdu». Bu baxımdan şah və ya ayətullalığından asılı olmayaraq, Tehran hakimiyyəti düşmənlərini eyni üsulla aradan çıxarır, ya çayda «boğulduğunu» deyir, ya da «avtomobil qəzasına» düşdüyünü sübut etməyə çalışır.

Sədrəddin Soltan